ហូឡង់៖ តាមការអោយដឹងពីគេហទំព័រដេលីមែល កាលពីពេលថ្ងៃទី ០៣ តុលាម្សិលមិញនេះថា ដើម្បីអោយអ្នកទេសចរណ៍ មានការប្លែកអារម្មណ៍ ក៏ដូចជាអាចទទួលបានការងូតទឹកកំសាន្ដនៅកណ្ដាលទន្លេបាននោះ ក្រុមហ៊ុន Automobileមួយ របស់ប្រទេសហូឡង់ បានផលិតអាង ឬចានក្លាំ (Tub) ធំល្មមមួយ ដែលអាងនោះ អាចបណ្ដែតខ្លួនលើទឹក បានយ៉ាងសុវត្ថិភាព។
តាមការអោយដឹងពីក្រុមហ៊ុនផលិតអាងបណ្ដែតទឹកនេះ បានអោយដឹងថា អាងនេះគឺមានទំហំខុសៗគ្នា ពោលគឺ ១១០សង់ទីម៉ែត្រ ២៤០សង់ទីម៉ែត្រ និង ៣៨០សង់ទីម៉ែត្រ។ អាងនេះទៀតសោត គឺអាចផ្ទុកអ្នកកំសាន្ដបានរហូតដល់ ៨នាក់ឯណ្ណោះ។
អ្វីដែលអស្ចារ្យសម្រាប់អាងបណ្ដែតទឹកនេះគឺថា អាងនេះអាចផ្ទុកទឹកបានចំណុះដល់ទៅ២,០០០លីតឯណ្ណោះ។ ពិសេសជាងនេះទៅទៀត គឺអាងនេះ ត្រូវបានផលិតឡើងដោយមានបំពង់ផ្សែង និងម៉ាស៊ីនលេខអូតូសម្រាប់បង្កើតទឹកក្ដៅបាន ដែលទឹកក្ដៅនោះគឺមានកម្រិត ៣៨អង្សា ដែលវាអាចផ្ដល់ភាពងាយស្រួលដល់ភ្ងៀវកំសាន្ដក្នុងការឆ្ពុង៕
ដោយ៖ នារីប្រភព៖ dailymail