Radius 11 អនុញ្ញាតឱ្យអ្នកប្រើប្រាស់ ជ្រើសរើសនូវវិធីណាមួយ ក្នុងចំណោម ៥របបផ្សេងៗគ្នា រួមមាន ជាលេបថប ជាថេប្លេត សម្រាប់ធ្វើបទបង្ហាញ ។ល។ ពោលគឺវាអាចបត់បែន បានដល់ទៅ ៣៦០ ដេក្រេ។ ឧបករណ៍ថ្មីនេះ នឹងត្រូវបាន ក្រុមហ៊ុន Toshiba ដាក់លក់ចាប់ពីថ្ងៃទី ២៦តុលា ក្នុងតម្លៃប្រហែល ៣២៩,៩៩ដុល្លារអាមេរិក។
លេបថតនេះ មានអេក្រង់ថាច់ស្គ្រីន 11,6” HD TruBrite បំពាក់កាមេរ៉ា webcam ដែលមានរីសូលូសឹន HD ។ ម៉ាស៊ីននេះ ប្រើប្រាស់ប្រូសេសឺរ Celeron Intel ឬ Intel Pentium អាស្រ័យទៅលើកំណែផ្សេងៗគ្នា។ លេបថប Radius 11 ដំណើរការដោយប្រព័ន្ធប្រតិបត្តិ Windows 8.1 មាន RAM 2GB (អាចដំឡើងដល់ 4GB) គឺអាស្រ័យលើអង្គចងចាំ 32GB SSD ឬមួយ 500GB។
បណ្ដាប្រព័ន្ធទំនាក់ទំនងនានា ដូចជា រន្ធ USD 3.0 , រន្ធ USB 2.0 , HDMI និងរន្ធ SD ក៏មាននៅលើ Radius 11 ។ Radius 11 មានទំហំតូចល្មម ដោយមានទម្ងន់ ១,៣គីឡូក្រាម ងាយស្រួលនឹងយកទៅតាមខ្លួន។
ចំនុចពិសេសរបស់ Radius 11 នោះគឺប្រូសេសឺរ របស់ម៉ាស៊ីន មិនចាំបាច់ប្រើកង្ហារដើម្បីបក់ឱ្យត្រជាក់នោះទេ ដូច្នេះ នៅពេលដំណើរការ វានឹងមានសម្លេងស្ងាត់ល្អ ប៉ុន្ដែ គេមិនទាន់ដឹងថា វាក្ដៅដែរ ឬអត់ នៅពេលដំណើរការកម្មវិធីធំៗ។
ប្រែសម្រួលដោយ ៖ តារាប្រភព ៖ Zdnet/Tomshardware