គំរូ Tablet ថ្មីពីរស៊េរីរបស់ក្រុមហ៊ុនតៃវ៉ាន់ ដែលមានឈ្មោះថា R7 និង R12 ត្រូវបានកំនត់ថានឹងប្រើប្រាស់អេក្រង់ទំហំ 7 inch និង 12 inch ជាមួយនឹងការប្រើប្រព័ន្ធប្រតិបត្តិការ Windows RT Blue ថ្មីបំផុត។
Slashgear បានឲ្យដឹងថា HTC R7 អាចនឹងត្រូវបំពាក់ដោយអេក្រង់កំរិតពន្លឺ Full HD។ វាមាន RAM 2 GB និង chip Qualcomm Snapdragon 800 quad core។ មេម៉ូរីក្នុងរបស់ R7 គឺ 16 GB,តែអាចបន្ថែមមេម៉ូរីក្រៅបាន តាមរយះ microSD។ Camera ក្រោយរបស់ម៉ូដែលនេះមានទំហំ13 megapixel។ បណ្តា Connectors នៅលើផលិតផលនេះរួមមាន HSPA+, LTE, Wi-Fi, Bluetooth 4.0 និង A-GPS។ HTC R7 មិនមាន Sopport HDMI, DLNA និង NFC ទេ។
ចំពោះ HTC R12, ម៉ូដែលនេះបំពាក់នូវរូបសណ្ឋានដូចទាំងអស់ទៅនឹង R7 ដែរ។ ជាក់ស្តែងគំរូ tablet Windows RT 12 inch ថ្មីរបស់ HTC នឹងបំពាក់នូវអេក្រង់កំរិតពន្លឺធំជាងគឺ 2.048 x 1.536 pixel។ ប្រភពព័ត៌មានរបស់ Slashgear បានឲ្យដឹងថា វាមាន Support នូវ Connectors ច្រើនជាង R7 ប៉ុន្តែមិនច្បាស់ថា វាមានអ្វីខ្លះនោះទេ។
បើតាមការប៉ាន់ស្មាន HTC R7 និង R12 អាចនឹងបង្ហាញណែនាំនៅថ្ងៃទី ១៣ ខែតុលា ឆ្នាំនេះ។តំលៃនៃផលិតផលថ្មីទាំងពីរនេះ HTC មិនទាន់បានបង្ហើបឲ្យដឹងនៅឡើយ៕
ដោយ៖ សិលាប្រភព៖ VE