កាលពីខែមិថុនា ឆ្នាំមុន LG បានឲ្យដឹងថា ក្រុមហ៊ុននឹងឈប់ធ្វើការអភិវឌ្ឍន៍ Tablet ហើយប្រមូលកំលាំងផ្តោតតែទៅលើវិស័យស្មាតហ្វូនតែប៉ុណ្ណោះ។ ជាក់ស្តែង តាមប្រភពព័ត៌មានពី Munhwa របស់កូរ៉េខាងត្បូង, LG អាចនឹងវិលត្រលប់ក្នុងជំនួញ Tablet នេះវិញជាមួយនឹងផលិតផលថ្មីមួយ ដែលនឹងបង្ហាញខ្លួនក្នុងពេលឆាប់ៗ ពោលនៅក្នុងត្រីមាសទី ៣ ឆ្នាំនេះតែម្តង។ តាមប្រភពនៅមិនទាន់ច្បាស់ថា គំរូ Tablet ថ្មីនេះនឹងប្រើ Android ឬ Windows នោះទេ ហើយព័ត៌មានស្តីពីរូបសណ្ឋាន Hardware ក៏មិនបានប្រាប់ឲ្យដឹងដែរ។

កាលពីពេលមុន LG ក៏ធ្លាប់មាន Tablet ប្រើ Android មួយគឺ Optimus Pad ប៉ុន្តែវាមិនជោគជ័យទេ ព្រោះត្រូវប្រកួតប្រជែង ជាមួយគូប្រកួតសុទ្ធតែគីឡូធ្ងន់ជាងមកពីខាង Apple (iPad), បណ្តាTablet របស់ Samsung និង Asus។ 

/

LG Optimus Pad, គំរូ tablet Android ដំបូង និងតែមួយគត់របស់ LG តាំងពីដើមមក រហូតបច្ចុប្បន្ន

សព្វថ្ងៃតម្រូវការប្រើ Tablet មានការកើនឡើងខ្លាំង ជាពិសេសជាមួយ TabletAndroid, ហើយប្រហែលជា LG បានសំលឹងឃើញឱកាសជំនួញនេះ ទើបក្រុមហ៊ុនសំរេចចិត្ត ឈានជើងហក់ចូលក្នុងវិស័យនេះឡើងវិញ៕

ដោយ៖ សិលាប្រភព៖ TTE