ពិតជាភ្ញាក់ផ្អើល iPad ថ្មីដែល Apple បានបង្ហាញណែនាំ កាលពីវេលារំលងអាធ្រាត្រនេះ មិនមែនមានឈ្មោះថា iPad 5 នោះទេ គឺវាមានឈ្មោះថា iPad Air។ iPad Air មានពីរពណ៌គឺ សទឹកប្រាក់និង ខ្មៅទឹកប្រាក់ ហើយវាត្រូវបានបំពាក់នូវ SoC Apple A7 64-bit រួមជាមួយ Motion Processor ថ្មីដូចនឹង iPhone 5s។ អេក្រង់របស់វា នៅតែរក្សា Resolution 2048 x 1536 pixel។ ជាពិសេស វាមានកម្រាស់តែ 7,5mm និងទម្ងន់តែ 453g ស្តើងជាង 20% និងស្រាល 28% បើប្រៀបនឹងរង្វាស់ ប្រវែង 9,3mm និង 662g របស់ iPad 4។ ស៊ុមអេក្រង់ ក៏ត្រូវបានធ្វើស្តើងជាងមុន 43% ផងដែរ បើប្រៀបជាមួយនឹង បណ្តាជំនាន់ iPad មុននេះ។
និយាយពី CPU A7, Apple សន្យាថាវានឹងផ្តល់មកនូវ performance CPU និង performance ក្រាហ្វិកខ្ពស់ជាង ២ដង បើប្រៀបនឹង iPad 4 ក្នុងពេលដែលនៅតែរក្សាបរិមាណថ្ម អាចប្រើប្រាស់ ១០ ម៉ោងដដែល។ តាមរយះកំលាំងខ្លាំងដូច្នេះ iPad Air អាចដំណើរការ វីដេអូ រូបភាព ឯកសារ និងបណ្តាទិន្នន័យផ្សេងៗ បានយ៉ាងលឿន ល្អ។
iPad Air គឺជា iPad ដំបូងដែលបំពាក់នូវអង់តែង Wi-Fi MIMO ដែលជួយបង្កើនល្បឿន តំណភ្ជាប់លឿនជាងមុនពីរដង បើប្រៀបជាមួយអង់តែនតែមួយ។ ល្បឿនអតិបរមាពេលភ្ជាប់ Wi-Fi 802.11n របស់ iPad Air ពេលនេះគឺ 300Mbps។ Apple ក៏បានបំពាក់នូវ 4G LTE ផងដែរ។ មិនអាចមិននិយាយពី camera FaceTime HD ឡើយ, ពេលនេះគឺប្រើប្រាស់ Sensor BSI ដើម្បីធ្វើឲ្យប្រសើរជាងមុន ក្នុងពេលថតក្នុងលក្ខខណ្ឌខ្វះពន្លឺ។ Camera ក្រោយរបស់ iPad Air គឺនៅតែរក្សាទំហំ 5 megapixel f/2.4, support ថតរូប HDR។ ហើយដើម្បី support ការថតវីដេអូឬ Call FaceTimeតាម iPad Air, Apple បានបំពាក់ micro ដល់ទៅពីរ ដើម្បីជួយឲ្យសម្លេង Record ក្នុងពេលថតឬសន្ទនាគ្នានោះបានច្បាស់ល្អ។ Apple បានឲ្យដឹងថា iPad Air នឹងចាប់ផ្តើមដាក់លក់នៅថ្ងៃទី ០១ ខែវិច្ឆិកា ខាងមុខនេះ ជាមួយតំលៃមិនផ្លាស់ប្តូរឡើយ ពោលគឺចាប់ពីតំលៃ 499$ សម្រាប់ version Wi-Fi 16GB។ Version មាន 4G គឺថ្លៃជាងបន្តិច ចាប់ផ្តើមពីតំលៃ 629$ សម្រាប់ version 16GB។
លក្ខណៈសម្បត្តិមូលដ្ឋាន របស់ iPad Air:
- អេក្រង់: LCD 9,7 resolution 2048 x 1536, panel IPS
- CPU: Apple A7 Dual Core
- RAM: មិនទាន់ដឹងនៅឡើយ
- Camera ក្រោយ: 5 megapixel, Hybrid IR filter, f/2.4, ថតរូប HDR
- Camera មុខ: FaceTime HD 1.2 megapixel, sensor BSI, មិនមានភាពញ័រពេលថតវីដេអូ
- ថ្ម: ១០ម៉ោង
- ប្រព័ន្ធប្រតិបត្តិការ: iOS 7
- ចំនុចពិសេស: ស្តើងជាង 20% និងស្រាលជាង 28% បើប្រៀបជាមួយនឹង iPad 4
- តំណភ្ជាប់: Bluetooth 4.0, Wi-Fi a/b/g/n, GPS, Lightning, អាចជ្រើសរើស 4G LTE
- មេម៉ូរីក្នុង/កាតក្រៅ: 16GB, 32GB, 64GB, 128GB, មិនអាចថែមកាតមេម៉ូរីក្រៅបានទេ
- ខ្នាតប្រវែង: 240 x 169.5 x 7.5mm
- ទម្ងន់: 469g version Wi-Fi, 478g version 4G
ព័ត៌មានគួរឲ្យចាប់អារម្មណ៍ផ្សេងទៀត៖
- Nokia បានបង្ហាញ Devices ជាច្រើនក្នុងព្រឹត្តិការណ៍ ថ្ងៃទី ២២ តុលា នេះ (មានវីដេអូ)- លេចចេញរូបភាព iPad mini 2 មានសំបកមាស និងមានស្គែនក្រយៅដៃ- Facebook ប្រាប់ពីមូលហេតុដែលធ្វើឲ្យគាំង គេហទំព័រ កាលពីយប់ទី២១ ម្សិលមិញ- ប្រជាពលរដ្ឋវាយទ្រមខ្លួន បន្ទាប់ពីឆក់ខ្សែ ក មិនបានសម្រេច (មានវីដេអូ)- មនុស្ស ២១ នាក់ ដុតខ្លួនឯង ដើម្បីរ៉ៃអង្គាសប្រាក់ ជួយអ្នកក្រីក្រ (មានវីដេអូ)
ប្រែសម្រួល៖ សិលាប្រភព៖ tinhte