អ៊ីតាលី៖ តាមការអោយដឹងពីគេហទំពរដេលីមែល កាលពីថ្ងៃទី ០៤ តុលាម្សិលមិញនេះថា មានគូរស្នេហ៍មួយគូរ បានភ្ជាប់ពាក្យនៅតាមដងផ្លូវសាធារណៈមួយ ដែលបណ្ដាលអោយអ្នកដំណើររាប់រយនាក់ ផ្អើលនាំគ្នាទៅមើល ហើយព្រមទាំងបានផ្ដិតយករូបភាពទៀតផង។
ប្រភពខាងលើបានអោយដឹងទៀតថា ការភ្ជាប់ពាក្យដ៏អស្ចារ្យនេះ គឺត្រូវបានធ្វើឡើងនៅលើដងផ្លូវ Venice's St Mark's ប្រទេសអ៊ីតាលី ខណៈដែលបុរសជាគូរស្នេហ៍គឺលោក DannyBurns ដែលមានវ័យ ៣៦ឆ្នាំ មកពីរដ្ឋ Cunard Queen Victoria ហើយបាននាំមិត្ដភ័ក្រគេជាច្រើននាក់ មករាំបទញ៉ាក់មួយបទ មុនពេលគេប្រគល់ចញ្ចៀនប្រចាំចិត្ដ ដល់គួរស្នេហ៍របស់គេ គឺនាង Shonagh Daly ដែលមានវ័យ ៣១ឆ្នាំ។
អ្វីដែលធ្វើអោយអ្នកដំណើរ ចាប់អារម្មណ៍កាន់តែខ្លាំងនោះថា នៅពេលដែលលោក Danny រាំចប់ គឺលោកបានលុតជង្គង់នៅមុខនាង Daly ដែលអាចធ្វើអោយនាងរន្ទត់ រហូតដល់ចេញទឹកភ្នែក។ 
នេះជាវីដេអូក្លីប ដែលបង្ហាញពីការភ្ជាប់ពាក្យ របស់គូរស្នេហ៍ទាំងពីរនៅលើដងផ្លូវសាធារណៈ សូមចុចដើម្បីមើល៕
ដោយ៖ នារីប្រភព៖ dailymail