ទស្សនិកជន ច្បាស់ជាធ្លាប់បានទស្សនារឿង ក្រុមបាល់ទាត់ក្បាច់គុណសៅលីញ ដែលសំដែងដោយលោក Stephen Chow រួចមកហើយ ។ រឿងនេះគឺជារឿងបែប កំប្លែងនិយាយពីកីឡាបាល់ទាត់ប្រភេទថ្មី ដែលលាយឡំជាមួយក្បាច់គុន ។ ទស្សនិកជន ច្បាស់ជាធ្លាប់គិតថា បើមានក្រុមបាល់ទាត់ប្រភេទនោះមែន ច្បាស់ជាល្អមើលណាស់ តែវាបានត្រឹមតែគិត ។ មកដល់ពេលនេះយើងអាចឃើញថា ក្តីស្រមៃនិងការគិតរបស់យើង កំពុងមានសង្ឃឹមហើយព្រោះនៅឯប្រទេសចិន ទើបតែបានប្រកាសថា នឹងសាងសង់សាលាហ្វឹកហាត់ បណ្តុះបណ្តាលបាល់ទាត់ លាយលំជាមួយនិង ក្បាច់គុនសៅលីញ ។
ថ្មីៗនេះ Shi Yan Lu ដែលជាសង្ឃជំនាញក្បាច់គុណសៅលីញ ជំនាន់ទី ៣៤ នៃសង្ឃប្រយុទ្ធបានប្រកាសអំពីគំរោង សាងសង់សាលហ្វឹកហាត់ បណ្តុះបណ្តាលបាល់ទាត់ ដែលប្រើប្រាស់ក្បាច់គុណសៅលីញ ជាមូលដ្ឋាន ក្នុងកញ្ចប់ទឹកប្រាក់ប្រមាណ ៣០០ លានដុល្លារ ។ សាលាមួយនេះនឹងមានឈ្មោះថា Shaolin Legend International Soccer Schools ដែលនឹងសាងសង់នៅខេត្ត Dengfeng ប្រទេសចិន ។ សាលានេះនឹងសាងសង់នៅលើផ្ទៃដីប្រមាណ ៣៣០ ហិចតាដែលក្នុងនោះមាន កីឡាដ្ឋានបាល់ទាត់ធំមួយ មណ្ឌលហាត់ប្រាណ ២ និងសាលាហ្វឹកហាត់តូចៗជាច្រើនទៀត ។
ព្រះតេជគុណ Shi Yan Lu បានមានប្រសាសន៍ថា ជាមួយនិងក្បាច់គុណសៅលីញ លាយលំជាមួយនិងការហាត់ប្រាណបែបទំនើបទៀតនោះ គឺវាពិតជាធ្វើអោយ ក្រុមបាល់ទាត់ក្បាច់គុនសៅលីញនេះ នឹងមានលទ្ធផលល្អ ។ សាលា Shaolin Legend International Soccer Schoolsបានប្រមាណថា នឹងមានសិស្សមកចុះឈ្មោះ ហ្វឹកហាត់រៀននៅសាលានេះ យ៉ាងតិច ១ម៉ឺននាក់ ៕
ដោយ ៖ កុសលប្រភព ៖ k14, best-news