បើយោងតាមឯកសាររបស់ក្រុមហ៊ុន ស្រាវជ្រាវទីផ្សារ IDC, Android បន្តនាំមុខគេ ក្នុងការលក់ស្មាតហ្វូនចេញ ដោយដណ្តើមបាន ៨១% ទីផ្សារហ៊ុនស្មាតហ្វូនដែលបានលក់ ក្នុងត្រីមាសទី៣ ឆ្នាំ២០១៣ កន្លងទៅនេះ។
អស្ចារ្យជាងនេះទៀតនោះគឺ Windows Phone បានបោះជំហានទៅមុខយ៉ាងខ្លាំង។ ចំនួនស្មាតហ្វូនដែលបានលក់ចេញ នៅក្នុងត្រីមាសទី៣ កន្លងទៅនេះ គឺបានកើនឡើងដល់ ១៥៦% បើប្រៀបជាមួយឆ្នាំមុន និងដណ្តើមបាន ៣,៦% ទីផ្សារភាគហ៊ុន។
ចំណែកឯការលក់របស់ BlackBerry វិញបានថយចុះអស់ ៤០% បើប្រៀបជាមួយឆ្នាំមុន ទន្ទឹមនឹងនោះ ទីផ្សារភាគហ៊ុនក៏បានថយពី ៤,១% នៅត្រីមាសទី៣ ឆ្នាំ២០១២ មកត្រឹម ១,៧% នៅត្រីមាសទី៣ ឆ្នាំ២០១៣។
iOS មានការកើនឡើង ២៥,៦% បើប្រៀបនឹងត្រីមាសទី៣ ឆ្នាំ ២០១២។ Apple នៅតែរក្សាបានតំណែងទី២ ជាមួយនឹង ទីផ្សារភាគហ៊ុនចំនួន ១២,៩% ប៉ុន្តែជាក់ស្តែងទៅ ចំនួនទីផ្សារហ៊ុននេះបានថយចុះបន្តិច បើប្រៀបជាមួយនឹងចំនួន ១៤,៤% ទីផ្សារភាគហ៊ុនដែលមាន កាលពីត្រីមាសទី៣ ឆ្នាំមុននេះ៕
ព័ត៌មានគួរឲ្យចាប់អារម្មណ៍ ផ្សេងៗទៀត៖
- Moto G បង្ហាញខ្លួនជាផ្លូវការ អេក្រង់ HD 4,5, CPU Quad Core, Android 4.3, តំលៃ179$- អីយ៉ា ប្លែកម្ល៉េះ! ប្រើលឹង្គលេងព្យាណូ ជំនួសដៃ (Video inside) - Apple បានដាក់លក់ iPad Mini Retina ជាផ្លូវការហើយ តំលៃចាប់ផ្តើមពី ៣៩៩ ដុល្លារ- អភិបាលខេត្ត បន្ទាយមានជ័យ លោក ទ្រី ណារិន បានស្លាប់ក្នុងគ្រោះថ្នាក់ចរាចរ ព្រឹកមិញនេះ- ក្លែងខ្លួនធ្វើជាមនុស្សអនាថា សុំមិត្តស្រីរៀបការ, ព្រម ឬក៏អត់ហ្ន៎? (មានវីដេអូ)
ប្រែសម្រួល៖ សិលាប្រភព៖ tinhte