បើតាមសំដីរបស់បុគ្គលិកម្នាក់របស់ Vodafone, រន្ធសាក iPad Air ដែលដាក់តាំងនោះ បានលេចចេញជាផ្កាភ្លើង ហើយបន្ទាប់មក ក៏បានផ្ទុះឆេះឡើង។ រថយន្តពន្លត់អគ្គីភ័យត្រូវបានគេហៅមកជួយសង្គ្រោះភ្លាមៗ ពេលដែលក្នុងហាងមានពេញទៅដោយផ្សែង។ បើតាមប្រភពពី News.com.au មិនមានអ្នកណាម្នាក់ ទទួលរងរបួសឡើយ នៅក្នុងហេតុការណ៍នេះ។
នេះមិនមែនជាលើកទីមួយ ដែលឧបករណ៍របស់ Apple បានផ្ទុះឆេះ ពេលកំពុងសាក។ បណ្តាករណីពីមុនៗ ត្រូវបានរកឃើញថា បណ្តាលមកពីអ្នកប្រើប្រាស់ បានប្រើឆ្នាំងសាក មិនមែនជារបស់ហ្ស៊ីន របស់ Apple។ ជាក់ស្តែង សម្រាប់ហាងដ៏ល្បីមួយដូចជា Vodafone នេះ រឿងដែលហាងយកឆ្នាំងសាកក្លែងក្លាយមកប្រើ គឺពិបាកនឹងកើតមានឡើងណាស់។
បន្ទាប់ពីទទួលបានព័ត៌មានខាងលើ Apple បានបញ្ជូនអ្នកតំណាងរបស់ខ្លួន មកកាន់ហាង Vodafone ខាងលើ ដើម្បីស្វែងយល់ ត្រួតពិនិត្យហេតុការណដែលបានកើតឡើងនោះ៕