"iPhone 5" សន្យាថានឹងលក់ដាច់ ជាងគេបំផុតនៅលើផែនដី

iPhone 5 កំពុងក្លាយទៅជាស្មាតហ្វូន ដែលទទួលការចាប់អារម្មណ៍យ៉ាងខ្លាំង បើទោះជាមិនទាន់ចេញជារូបរាង។

អ្នកវិភាគ Gene Munster ទើបតែបង្ហាញពីការស្ទាបស្ទង់មតិពីអតិថិជន ៤០០នាក់ ឃើញថាមាន ៦៥% ចំនួនអ្នកដែលសួរចង់ទិញ iPhone, ប្រហែល ៥១% ចំនួនអ្នករង់ចាំ iPhone 5 និង ៩៤,២% អ្នកដែលប្រើប្រាស់ iPhone មានគំរោងឡើងស៊េរីនៅពេល Apple មានស៊េរីថ្មី។Gene Munster បានឲ្យដឹងថា តាមទិន្នន័យខាងលើអាចមានដល់ ៨០លានគ្រឿងនៃ iPhone 5 ដែលត្រូវបានគេរៀបចំជាស្រេចក្នុងការកុម្មង់ទិញ។ ពួកខ្ញុំជឿថានឹងមានប្រហែល ៥០%នៃចំនួន iPhone 5 ដែលត្រូវបានអ្នកប្រើប្រាស់កុម្មង់ទិញ, ក្រុមអ្នកស្រាវជ្រាវសន្និដ្ឋាន។