នៅលើផ្សារ eBay ថេប្លេត Nexus 7 ទំនិញ 'refurbished' ត្រូវបានគេដាក់លក់ក្នុងតម្លៃ ទាបបំផុត គួរឱ្យចាប់អារម្មណ៍។
គេហទំព័រផ្សារអនឡាញ eBay បច្ចុប្បន្ន មានដាក់លក់រាល់កំណែ Nexus 7 (2013) 'refurbished' ក្នុងតម្លៃដ៏ទាប ៖ កំណែ ១៦GB តម្លៃ ១៤៩ដុល្លារ ចំណែកកំណែ ៣២GB មានតម្លៃ ១៦៩ដុល្លារអាមេរិក។ ទន្ទឹមនឹងនេះ ស្មាតហ្វូន Nexus 7 ដែលកំពុងដាក់លក់នៅលើ Google Play Store មានតម្លៃដល់ទៅ ២២៩ដុល្លារ សម្រាប់កំណែ ១៦GB និង ២៦៩ដុល្លារ សម្រាប់កំណែ ៣២GB ។តាមទ្រឹស្ដី ផលិតផល ‘refurbished’ គឺជាទំនិញដែលត្រូវបានអតិថិជនសងមកក្រុមហ៊ុនវិញ ដោយសារតែវាមានបញ្ហាអ្វីមួយ។ ប៉ុន្ដែ ផលិតផលទាំងនោះ នៅតែត្រូវបានដាក់លក់ឡើងវិញ បន្ទាប់ពីខាងក្រុមហ៊ុនបានប្ដូរគ្រឿងបំលាស់ថ្មី ទាក់ទិញនឹងបញ្ហាដែលបានកើតឡើង ដើម្បីធានាថា វានៅថ្មីដូចទើបតែបញ្ចេញពីរោងចក្រ។ ក្រោយមក ផលិតផលនេះ ត្រូវបានដាក់លក់ក្នុងតម្លៃទាប។
Nexus 7 (2013) គឺជាផលិតផលមួយក្នុងចំណោម ថេប្លេត ដែលមានគ្រឿងម៉ាស៊ីនមិនជាខ្លាំងប៉ុន្មាន ប៉ុន្ដែ វាដំណើរការយ៉ាងល្អ។ Nexus 7 មានអេក្រង់ ៧អ៊ិន្ឈ៍ រីសូលូសឹន 1920x1200 pixel ដំណើរការដោយប្រូសេសឺរ Krait quad-core កម្រិត 1.5GHz, RAM 2GB និងកាមេរ៉ាក្រោយ ៥ megapixel កាមេរ៉ាមុខ ១.២ megapixel ។ Nexus 7 ដំណើរដោយប្រព័ន្ធប្រតិបតិ្ត Android 4.3 Jelly Bean ។
ប្រែសម្រួលដោយ ៖ តារាប្រភព ៖ androidpolice