អ្នកនាំពាក្យរបស់ប្រធានាធិបតីរុស្ស៊ី Vladimir Putin ទើបបានធ្វើការបដិសេធ នូវការអំពាវនាវ ឱ្យចូលរួមលេង Ice Bucket Challenge ដែលជាល្បែងលក្ខណៈមនុស្សធម៌មួយ ពីអ្នកសំដែងដ៏ល្បីឈ្មោះម្នាក់ នៅអាមេរិក។
ប្រធានាធិបតីរុស្ស៊ី លោក Putin
Dmitry Peskov ដែលជាអ្នកនាំពាក្យរបស់លោក Putin ឱ្យដឹងថា លោកប្រធានាធិបតីរុស្ស៊ី ប្រហែលជាមិនបានដឹងអំពីភ្នាល់នេះ ហើយលោកក៏មានកិច្ចការសំខាន់ជាងនេះ ដើម្បីពិចារណា។ ទំព័រសារព័រមាន Lenta ដកស្រង់សំដីរបស់ លោក Dmitry Peskov ថ្លែងថា ៖ “យើងខ្ញុំមានកិច្ចការជាអទិភាពផ្សេងទៀត ដែលត្រូវធ្វើ”។
គួររំលឹកថា មុននេះ Vin Diesel តារាភាពយន្ដល្បីឈ្មោះ នៅអាមេរិក ក៏បានបង្ហោះវីដេអូមួយបង្ហាញអំពីសកម្មភាពចាក់ទឹកកកលើក្បាល ហើយក៏បានអំពាវនាវភ្នាល់ចំពោះលោក Putin តារាសំដែងស្រី នាង Angelina Jolie រួមនឹងជំទាវ Michelle Obama ឱ្យធ្វើសកម្មភាពដូចខ្លួន ក្នុងអំឡុងពេល ២៤ម៉ោងបន្ទាប់។
តារាសំដែងអាមេរិក ល្បីឈ្មោះ លោក Vin Diesel
តារាសំដែង Vin Diesel ចូលរួមក្នុងកម្មវិធី Ice Bucket Challenge នេះ ក្នុងបំណងលើកកំពស់ការយល់ដឹងអំពី ALS ដែលជាជម្ងឺមួយ បណ្ដាលឱ្យកោសិកាសរសៃប្រសាទរបស់មនុស្សមានបញ្ហា នាំឱ្យកើតជម្ងឺខ្វិន ឬស្លាប់មួយចំហៀងខ្លួន។
យោងតាមលក្ខណ្ឌផ្លូវការនៃល្បែងនេះ អ្នកដែលមិនទទួលយកការភ្នាល់ (មិនធ្វើតាមការអំពាវនាវរបស់អ្នកដែលបានធ្វើមុន) គឺត្រូវផ្ដល់វិភាគទាន ១០០ដុល្លារអាមេរិក ទៅឱ្យមូលនិធិមនុស្សធម៌ Pete Frates ។ មូលនិធិនេះ ត្រូវបានគេហៅទៅតាមឈ្មោះរបស់អតីតកីឡាករ baseball ម្នាក់ ដែលធ្លាប់ត្រូវបានគេរកឃើញថា មានជម្ងឺ ALS កាលពីគាត់មានអាយុ ២៧ឆ្នាំ។
គួររំលឹកដែរថា ប្រធានាធិបតីអាមេរិក លោក Barack Obama ក៏មិនបានធ្វើតាមការភ្នាល់នេះ ហើយបានផ្ដល់ប្រាក់វិភាគទានដល់មូលនិធិ។ ក្នុងចំណោម បុគ្គលល្បីឈ្មោះ ដែលបានទទួលយក និងធ្វើបានសម្រេចនូវការភ្នាល់បែបមនុស្សធម៌នេះ ក៏មានឈ្មោះ លោក Mark Zuckerberg, Bill Gates, Steven Spielberg និង Lady Gaga , Tiger Woods និង Rory Mcllroy ។ល។
ខាងក្រោមនេះ គឺជាសកម្មភាពចាក់ទឹកកកលើក្បាល របស់តារាសំដែង Vin Diesel
ប្រែសម្រួលដោយ ៖ តារាប្រភព ៖ Boston/YouTube