ព័ត៌មានបន្ថែមពី iPad Mini ៖ តំលៃថោកសមរម្យ, រូបរាងស្អាត, អាចបង្ហាញខ្លួនថ្ងៃទី17/10

ទស្សនាវត្តី Fortune បានឲ្យដឹងថា, Apple កំពុងរៀបចំធ្វើការដាក់បង្ហាញ iPad Mini នៅក្នុងពិធីជាផ្លូវការមួយនៅថ្ងៃទី17/10 ខាងមុខនេះ។ បើតាមប្រភពពីក្រុមហ៊ុនពាណិជ្ជកម្មដ៏ធំមួយបានកំ-នត់ថា Apple អាចនឹងផ្ញើសំបុត្រអញ្ជើញទៅអ្នកសារព័ត៌មាន ដើម្បីចូលរួមពិធីរបស់ខ្លួនចាប់ពីថ្ងៃទី10/10 នេះតទៅ។ តាមគំរោង, Apple សន្យាថានឹងដាក់លក់ iPad Mini នៅថ្ងៃទី 2/11។ព័ត៌មានខាងលើអាចនឹងជឿជាក់បានច្រើន ព្រោះថារដូវ Shopping នៅចុងឆ្នាំកាន់តែខិតជិតមកដល់ហើយ។

 

ព័ត៌មានចចាមអារាមថ្មីៗនេះបាននិយាយថា, iPad Mini នឹងបំពាក់អេក្រង់ទំហំ7.85 inch, សំបកតួម៉ាស៊ីនទាំងមូល ត្រូវបានស្រោបដោយលោហធាតុអាលុយមីញ៉ូម និងមាន Hardware ទាបជាង iPad 3។ ជាក់ស្តែង ផលិតផលនឹងដាក់លក់ជាមួយតំលៃសមរម្យមួយគឺស្ថិតចន្លោះពី 250 ដល់300 USD។

 

តាមប្រភពមួយផ្សេងទៀត, Nowhereelse ក៏បានបង្ហោះរូបភាពថ្មីៗបំផុតរបស់ iPad Mini ផងដែរដោយយកទៅប្រៀបធៀបរូបរាងជាមួយគូប្រកួតប្រជែងពីរទៀតគឺ Kindle Fire HD និង Nexus 7។

សូមទស្សនារូបភាពខាងក្រោមនេះទាំងអស់គ្នា !

ដោយ៖ សិលាប្រភព៖ k14