លេចចេញ Android 4.3 Jelly Bean ជាមួយ Interface Camera ថ្មី

កាលពីថ្ងៃម្សិលមិញ នៅឯពិព័រណ៌ Thailand Mobile Expo គេបានឃើញស្មាតហ្វូន LG Nexus 4 មួយកំពុងតែប្រើ Version Android 4.3 (មិនមែន 5.0 ដូចបណ្តាព័ត៌មានចចាមអារាមថ្មីៗនេះទេ) ។ បើតាមបណ្តារូបភាពខាងក្រោម យើងឃើញថា Android 4.3 នៅតែរក្សានូវ រូបគ្រាប់សណ្តែករីករាយ រួមជាមួយឈ្មោះហៅថា Jelly Bean ដដែល។

ក្រៅពីនេះ កាមេរ៉ានៅលើ Android 4.3 ហាក់ដូចជានឹងត្រូវបានបន្ថែមនូវ Mode ថតថ្មីៗមួយចំនួន រួមជាមួយការផ្លាស់ប្តូរត្រង់ Interface ថតរូប ប្រហែលជា Google ចង់ធ្វើឲ្យប្រសើរឡើង នូវការថតផ្តិតយករូបភាពនៅលើ Nexus 4 ក៏ដូចជាបណ្តាឧបករណ៍ប្រើប្រាស់ Android 4.3 Jelly Bean ក្រោយៗនេះ សំរាប់អតិថិជនរបស់ខ្លួន។

អ្វីដែលគួរឲ្យស្តាយ អ្នកថតរូបនេះមិនបានបង្ហាញពី Interface ដើម ក៏ដូចជាបណ្តាចំនុចថ្មីៗផ្សេងទៀត ដែលមាននៅលើ Android 4.3 ទេ។ ជាក់ស្តែង កាលដែលលេចចេញនៅលើ Nexus 4 លទ្ធភាពច្រើន Google នឹងបង្ហាញ និងអនុញ្ញាតឲ្យអ្នកប្រើប្រាស់ធ្វើការដោនឡូត Android 4.3 ក្នុងពេលឆាប់ៗនេះមិនខាន៕

ដោយ៖ សិលាប្រផព៖ TTE