ហេតុអ្វីបានជា Apple នៅតែដាក់លក់ iPad 2 ដែលហួសសម័យ ៣ឆ្នាំ ទៅហើយទៀត?

បើតាមការស្រាវជ្រាវថ្មីមួយ ដែលទើបប្រកាសពី CIRP បានឲ្យដឹងថា សូម្បីតែក្នុងពេលដែលអ្នកប្រើប្រាស់ជាច្រើន កំពុងតែជ្រួល ចង់ទៅទិញបណ្តាគំរូ iPad ថ្មីមានអេក្រង់ Retina និងHardware ខ្លាំងៗ មានអ្នកប្រើប្រាស់មួយចំនួនទៀត (មិនតិចឡើយ) នៅតែបង្ហាញពីភាពរីករាយក្នុងការទិញប្រើប្រាស់ iPad 2។ ម៉ូដែលនេះ ដណ្តើមបាន ២២% នៃបរិមាណ iPad ទាំងអស់ ដែលបានលក់ចេញនៅអាមេរិច ក្នុងត្រីមាសទី៣ ឆ្នាំ២០១៣ នេះ។ នេះគឺជាចំនួនមួយមិនអន់ឡើយ សំរាប់ផលិតផលមួយ ដែលបានហួសសម័យ ច្រើនឆ្នាំហើយនោះ។

ស្រាយបញ្ជាក់លើបញ្ហានេះ CIRP បានឲ្យដឹងថា iPad 2 នៅតែជាឧបករណ៍មួយ ដែលមានការនិយមចូលចិត្តប្រើពី បណ្តាអង្គការអប់រំ។ អង្គការទាំងនេះ ត្រូវការទិញនូវ iPad តំលៃថោកដើម្បីសន្សំសំចៃការចំណាយ ហើយអាចបំពេញនូវសេចក្តីត្រូវការមូលដ្ឋានរបស់គេបាន។ ក្នុងនោះ គំរូ Tablet ដែលសក្តិសមបំផុតសម្រាប់ពួកគេ គឺគ្មានអ្វីក្រៅពី iPad 2 នោះទេ។ អត្រាប្រាក់ចំណេញរបស់ Apple ទៅលើបណ្តាឧបករណ៍ស៊េរីចាស់ៗ នៅតែមានចំនួនច្រើនគួរសម។ ក្រៅពីនេះ ការដែលនៅតែបន្តដាក់លក់ iPad 2 វាក៏ជួយឲ្យ Apple មិនចាំបាច់ចាប់អារម្មណ៍ ដល់ការផលិតនូវគំរូ iPad តំលៃថោក ដើម្បីប្រកួតប្រជែងជាមួយបណ្តា Tablet ពីខាង Android ឡើយ៕

ព័ត៌មានគួរឲ្យចាប់អារម្មណ៍ផ្សេងទៀត៖

- Apple ផ្សាយពាណិជ្ជកម្ម iPad Air រៀនតាមគំនិតរបស់ Samsung? (Video inside)- Samsung ទទួលនូវការផាកពីន័យ ៣៤ម៉ឺនដុល្លារ ព្រោះតែលេងអាក្រក់ ដាក់ HTC នៅតៃវ៉ាន់- បរិមាណលក់ចេញ ស្មាតហ្វូន Window Phone របស់ Nokia បានកើនឡើងជាលំដាប់- ស្មាតហ្វូនអេក្រង់កោងទី២ ពិភពលោក បង្ហាញរូបភាពជាក់លាក់ នៅលើទូរទស្សន៍ (មានវីដេអូ)- Top 5 Tablet ដែលមានកម្រាស់ស្តើងជាងគេបំផុត នៅលើពិភពលោក

ប្រែសម្រួល៖ សិលាប្រភព៖ Zing