រាជធានីភ្នំពេញ ៖ បន្ទាប់ពីទទួលបានការតែងតាំងជាអគ្គមេបញ្ជាការកងទ័ពជើងគោកថៃមក លោកនាយឧត្តមសេនីយ៍ប្រាយុទ្ធ ច័ន្ទអូចា បានដឹកនាំគណៈប្រតិភូជាន់ខ្ពស់ អគ្គបញ្ជាការដ្ឋានកងទ័ពជើងគោកថៃមកបំពេញទស្សនកិច្ចរយៈពេល២ថ្ងៃនៅព្រះរាជាណាចក្រកម្ពុជាគ ឺថ្ងៃ ទី២០ និង២១ ធ្នូ ឆ្នាំ២០១០ ។ នាព្រឹកថ្ងៃទី២០ ធ្នូ ឆ្នាំ២០១០ គណៈប្រតិភូអគ្គបញ្ជាការដ្ឋានកងទ័ពជើងគោកថៃដឹកនាំដោយលោកនាយឧត្តមសេនីយ៍ប្រាយុ ទ្ធ ច័ន្ទអូចា បានអញ្ជើញចូលជួបសំដែងការគួរសមជាមួយលោកនាយឧត្តមសេនីយ៍មាស សុភា ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាជាអគ្គមេបញ្ជាការរងនៃកងយោធពលខេមរភូមិន្ ទ និងជាមេបញ្ជាការកងទ័ពជើងគោកនៅបញ្ជាការដ្ឋានកងទ័ពជើងគោក ស្ថិតក្នុងភូមិអង្គ សង្កាត់ចោមចៅ ខណ្ឌដង្កោ រាជធានីភ្នំពេញ ។ បន្ទាប់ពីពិធីវន្ទនកិច្ចរបស់កងកិត្តិយសរួចមក លោកនាយឧត្តមសេនីយ៍ប្រាយុទ្ធ ច័ន្ទអូចា និងប្រតិភូអមដំណើរ លោកនាយឧត្តមសេនីយ៍មាស សុភា បានអញ្ជើញចូលរួមប្រារព្ធពិធីគោរពទង់ជាតិនៃប្រទេសទាំងពីរ ។ ក្នុងឱកាសនោះដែរ គណៈប្រតិភូបានទទួលបដិសណ្ឋារកិច្ចពីនាយទាហានជាន់ខ្ពស់កងទ័ពជើងគោកនៃកងយោធពលខេមរ ភូមិន្ទផងដែរ ។
ក្នុងជំនួបសវនាការនាឱកាសនោះ លោកនាយឧត្តមសេនីយ៍មាស សុភា បានសំដែងនូវអំណរសាទរចំពោះ ការទទួលបានមុខតំណែងថ្មីរបស់លោកប្រាយុទ្ធ ច័ន្ទអូចា និងសង្ឃឹមជឿជាក់លើកិច្ចសហប្រតិបត្តិការល្អរវាងកងទ័ពប្រទេសទាំងពីរ ។ លោកបានបញ្ជាក់ថា ដើម្បីឱ្យតំបន់ព្រំដែនប្រទេសទាំងពីរក្លាយជាព្រំដែន សន្តិភាព មិត្តភាព សហប្រតិបត្តិការ និងអភិវឌ្ឍន៍ កងទ័ពប្រទេសទាំងពីរត្រូវសហការគ្នាឱ្យបានល្អ ពិភាក្សាផ្តល់យោបល់គ្នាគ្រប់យន្តការ និងគ្រប់បញ្ហាដែលកើតឡើង ។ បញ្ហាខ្សែបន្ទាត់ព្រំដែនយើងត្រូវទុកឱ្យគណៈកម្មាធិការជាតិព្រំដែនប្រទេសទាំងពីរប្រជុំ ពិភាក្សាដោះស្រាយ និងវាស់វែង ។ លោកនាយឧត្តមសេនីយ៍មាស សុភា ក៏បានជូនពរដល់ដំណើរទស្សនកិច្ចរបស់គណៈប្រតិភូអគ្គមេបញ្ជាការកងទ័ពជើងគោកថៃ ទទួលបានជោគជ័យ និងនាំមកនូវការរឹតចំណងមិត្តភាពរវាងកងទ័ពប្រទេសទាំងពីរបានល្អឡើងវិញ និងឆ្ពោះទៅដល់ការអភិវឌ្ឍតំបន់ព្រំដែនប្រទេសទាំងពីរផង ។
លោកនាយឧត្តមសេនីយ៍ប្រាយុទ្ធ ច័ន្ទអូចា បានបញ្ជាក់ថា កងទ័ពភូមិន្ទថៃ នឹងបន្តកិច្ចសហប្រតិបត្តិការជាមួយកងយោធពលខេមរភូមិន្ទពិភាក្សាគ្នាគ្រប់យន្តការពេលមានបញ ្ហាកើតឡើង ចៀសវាងនូវអំពើហិង្សា ។ រួមគ្នាបង្ក្រាបបទល្មើសតាមបណ្តោយព្រំដែនរួម និងបង្ក្រាបការចរាចរគ្រឿងញៀនផងដែរ ។ ភាគីថៃនឹងបន្តទទួលការបណ្តុះបណ្តាលធនធានមនុស្សក្នុងកងយោធពលខេមរភូមិន្ទ ដូចដែលធ្លាប់បានសហការនាពេលកន្លងមក ។
លោកនាយឧត្តមសេនីយ៍ប្រាយុទ្ធ ច័ន្ទអូចា បានសំដែងអំណរគុណចំពោះថ្នាក់ដឹកនាំប្រទេសកម្ពុជាដែលបានកែសំរួលកងទ័ពនៅតំបន់ព្រំដែននិង បានអរគុណចំពោះលោកនាយឧត្តមសេនីយ៍មាស សុភា ដែលជារៀមច្បង និងមានបទ ពិសោធន៍ក្នុងការគ្រប់គ្រងកងទ័ពជើងគោករយៈការជាង១០ឆ្នាំកន្លងមកនេះ ព្រមទាំងបានផ្តល់នូវអនុសាសន៍ល្អៗសំរាប់កងទ័ពប្រទេសទាំងពីរផងដែរ ។ នេះជាលើកដំបូងក្រោយជំនួបសម្តេចអគ្គមហាសេនាបតីតេជោ ហ៊ុន សែន និងលោកអាប់ភីស៊ីត វេចាជីវ៉ា ដែលអគ្គមេបញ្ជាការកងទ័ពជើងគោកថៃបានអញ្ជើញមកបំពេញទស្សន កិច្ចជាផ្លូវការនៅព្រះរាជាណាចក្រកម្ពុជា ស្របពេលនឹងការអបអរសាទរប្រារព្ធខួបលើកទី៦០នៃទំនាក់ទំនងការទូតកម្ពុជា-ថៃ និងបន្ទាប់ពីកងទ័ពថៃបានដកចេញជាស្ថាពរពីវត្តកែវសិក្ខាគិរីស្វារៈនៃតំបន់ប្រាសាទព្រះវិ ហារ ៕
ដោយ ៖ យក់ យុទ្ធនាការ