ខេត្តកំពង់ចាម ៖ បុរសម្នាក់ឈ្មោះស៊ុម សល្យ អាយុ៣៦ឆ្នាំ រស់នៅភូមិកន្ថុំ ឃុំច្រនាង ស្រុកបារាយណ៍ ខេត្តកំពង់ធំ បានជួបឧប្បត្តិហេតុ គ្រោះថ្នាក់ក្រឡាប់គោយន្តដឹកស្រូវសង្កត់លើបណ្តាលឱ្យឈ្លក់ទឹកប្រឡាយរហូតដល់សន្លប់វិះនឹងស្លាប់កាលព ីល្ងាចថ្ងៃទី២៤ ធ្នូ នៅចំណុចជិតផ្សារវត្តគក ឃុំពង្រ ស្រុកបារាយណ៍។ សំណាងល្អត្រូវបានប្រជាកសិករឃើញហើយជួយសង្គ្រោះទាន់ពេលវេលា និងនាំមកកាន់មន្ទីរពេទ្យខេត្តកំពង់ចាម។ ស្រ្តីឈ្មោះ ឌិត សារុំ អាយុ៣៣ឆ្នាំ ជាប្រពន្ធរបស់អ្នករងគ្រោះបានរៀបរាប់ថា ប្តីរបស់គាត់បានទៅស៊ីឈ្មួលដឹកស្រូវចំនួន១៧បាវមានទង្ងន់ជិត២តោនចេញពីចំណុចវាលស្រែដំបូកយួន មកដល់ត្រង់ម្តុំជិតវត្តខាងលើស្រាប់តេក្រឡាប់ចូលទៅក្នុងប្រឡាយទឹកហើយត្រូវស្រូវបាវនោះសង្កត់លើ។
បន្តិចក្រោយមកទើបប្រជាកសិករដើរមកស្រែបានប្រទះឃើញនាំគ្នាជួយកាត់ខ្សែចំណងដែលចងបាវស្រូវចេញ រួចលើកយកប្តីរបស់គាត់មកដាក់លើគោកតែជនរងគ្រោះសន្លប់បាត់ស្មារតីទៅហើយ។ ពេលនោះពួកគាត់បាននាំគ្នាប្រឹងប្រែងជួយសង្គ្រោះធ្វើចលនារឹតបេះដូងរហូតបានដឹងខ្លួនឡើងវិញនិងក្អួ តចេញមកសុទ្ធតែភក់និងទឹក។ បន្ទាប់មកត្រូវបានគេរត់ទៅប្រាប់គាត់ឱ្យមកមើលប្តីនិងបាននាំទៅសង្គ្រោះនៅមន្ទីរពេទ្យខេត្តកំពង់ច ាម។
ស្រ្តីជាប្រពន្ធបានបញ្ជាក់ថា ដោយសារតែជីវភាពក្រុមគ្រួសាររបស់គាត់ក្រីក្រ ឆ្លៀតពេលទៅស៊ីឈ្មួលដឹកស្រូវឱ្យគេដោយក្នុង១បាវបាន១.០០០រៀលចេញពីស្រែមកដល់ផ្ទះ តែមិនទាន់ដឹកដល់ផងក៏ត្រូវជួបឧប្បត្តិហេតុគ្រោះថ្នាក់នេះ ដោយបាវស្រូវទាំងអស់មានទំងន់ជិត២តោន ក្រឡាប់សង្កត់វិះស្លាប់ ។ ប្រសិនបើបងប្អួនកសិករមិនជួយសង្រ្គោះឱ្យបានទាន់ពេលទេនោះ ប្តីរបស់គាត់នឹងត្រូវស្លាប់ដោយឈ្លក់ទឹកភក់ ព្រោះតែបាវស្រូវសង្កត់លើរើខ្លួនងើបមិនរួច។ រហូតមកដល់ថ្ងៃទី២៥ធ្នូ អ្នករងគ្រោះបានធូរស្រាលគ្រាន់បើហើយ បន្ទាប់ពីក្រុមគ្រូពេទ្យជួយសង្រ្គោះយ៉ាងយកចិត្តទុកដាក់៕