រាជធានីភ្នំពេញ ៖ នាយកដ្ឋានគ្រប់គ្រងកិច្ចការអប់រំបណ្តុះបណ្តាលបច្ចេកទេស និងវិជ្ជាជីវៈនៃក្រសួងការងារបានរៀបចំកិច្ចប្រជុំពិភាក្សាផែនការសកម្មភាពប្រចាំឆ្ន ាំរបស់គំរោងពង្រឹងវិស័យអប់រំ បណ្តុះបណ្តាលបច្ចេកទេស និងវិជ្ជាជីវៈនៅវិទ្យាស្ថានជាតិបណ្តុះបណ្តាលបច្ចេកទេសកាលពីថ្ងៃទី២១ ធ្នូ ក្រោមអធិបតីភាពលោកពេជ្រ សោភ័ន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ ។ នៅក្នុងឱកាសនោះលោកពេជ្រ សោភ័ន ថ្លែងឱ្យដឹងថា គំរោងឥណទានលើវិស័យអប់រំបណ្តុះបណ្តាលជីវៈ បច្ចេកទេសរបស់ធនាគារអភិវឌ្ឍន៍អាស៊ី (ADB) គឺមានគោលដៅស្របទៅនឹងគោលនយោបាយរបស់រាជរដ្ឋាភិបាលក្នុងការកាត់បន្ថយភាពក្រីក្ររបស់ប្រជ ាពលរដ្ឋដែលរាជរដ្ឋាភិបាលមានគោលដៅខិតខំធ្វើយ៉ាងណាកាត់បន្ថយភាពក្រីក្រឱ្យបាន១ភាគរយជា រៀងរាល់ឆ្នាំ ។
តាមការសិក្សារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា សម្តេចបានរកឃើញថា ភាពក្រីក្រនៅក្នុងប្រទេសកម្ពុជា គឺ បណ្តាលមកពីមូលហេតុពីរ គឺទី១-សង្គ្រាមដែលអូសបន្លាយអស់ពេលវេលាដ៏យូរ ហេតុដូច្នេះហើយទើបសម្តេចបានសំរេចចិត្តបង្កើតនយោបាយឈ្នះ=ឈ្នះឡើង ហើយទទួលបានជោគជ័យធ្វើឱ្យប្រទេសជាតិទទួលបានសន្តិភាពពេញលេញធ្វើឱ្យអ្នកវិនិយោគបរទេសចូលមក វិនិយោគនៅកម្ពុជា ។ ចំណែកបញ្ហាទី២-គឺបញ្ហាអប់រំ បណ្តុះបណ្តាល បច្ចេកទេស និងវិជ្ជាជីវៈដែលក្រសួងការងារកំពុងខិតខំធ្វើយ៉ាងណាផ្តល់ការបណ្តុះបណ្តាលបច្ចេកទ េស វិជ្ជាជីវៈឱ្យដល់ដៃប្រជាពលរដ្ឋ ដើម្បីឱ្យប្រជាពលរដ្ឋយកវិជ្ជាជីវៈទាំងនោះទៅប្រកបរបរចិញ្ចឹជីវិតក្នុងគោលដៅកាត់បន្ថយ ភាពក្រីក្រ ខណៈពេលដែលបច្ចុប្បន្នយុវជនជាង១៤ម៉ឺននាក់បានបញ្ចប់ការសិក្សា ហើយទទួលបានការងារធ្វើតែ៦០ភាគរយប៉ុណ្ណោះទេ ៕