ស្រ្ដីវ័យក្មេងម្នាក់ ហែលទឹករយៈចម្ងាយ ១៦០គីឡូម៉ែត្រ ដោយមិនខ្លាចឆ្លាមវាយប្រហារ

 ប្លែកៗ៖ នាង Chloe McCardel មានវ័យ ២៨ឆ្នាំ ជនជាតិអូស្រ្ដាលី គឺជាស្រ្ដីទីមួយ ដែលមានបំណងហែលទឹកក្នុងរយៈចម្ងាយឆ្ងាយ  ក្នុងដែនសមុទ្រ​ ដោយមិនខ្លាចពីការវាយប្រហារពីសំណាក់សត្វកំណាចក្នុងទឹក។

នាង Chloe ជានារីដែលបានរៀនហែលទឹកតាំពីអាយុ ១០ឆ្នាំ បាននិយាយថា ការហែលទឹកក្នុងរយៈចម្ងាយឆ្ងាយ  គឺជារឿងមួយដែលលំបាក  ក្នុងការទទួលយកពានរង្វាន់ ជាជាងការប្រកួតបាល់ទាត់  ឬការប្រកួតកីឡាផ្សេងៗ។  នាងបានបន្ដថា នាងបានជ្រើសរើសទីតាំងពី Cuba ទៅកាន់ Florida ពោលត្រង់ចំណុចឆ្នេរ Havana ទៅកាន់ Maima ដែលវាចម្ងាយដល់ទៅ ១៦០គីឡូម៉ែត្រ ជាកន្លែងល្អ សម្រាប់ការធ្វើដំណើររបស់នាង។

ទោះបីជាយ៉ាងណាក៏ដោយ ការហែលទឹក  ក្នុងរយៈចម្ងាយ ១៦០គីឡូម៉ែត្រ  ដោយគ្រោងពេលវេលា ៦០ម៉ោងរបស់ Chloe ត្រូវបានឈប់ត្រឹមរយៈពេល ១១ម៉ោងសិន នោះគឺដោយសារ ការរំខានពីសំណាក់សត្វក្នុងដែនសមុទ្រ។ នាងគិតថា នាងនឹងធ្វើអោយបានសម្រេចព្រោះគឺបំណងរបស់នាង គឺ បើសិនជាងឈ្នះ នាងនឹងអាចបានប្រាក់ ជួយដល់អ្នកមានជម្ងឺមហារីក៕

ដោយ៖ នារីប្រភព៖ newsday