ខេត្តពោធិ៍សាត់ ៖ បុរសវ័យកណ្តាលម្នាក់បានជិះម៉ូតូទៅបុកគូទរថយន្ត ដែលកំពុងថយក្រោយបណ្តាលឱ្យរូបគាត់រួមជាមួយកូនស្រីម្នាក់ និងក្មួយស្រី២នាក់ទៀត បោកផ្ទប់នឹងរថយន្តដួលធ្លាក់លើថ្នល់រងរបួសយ៉ាងដំណំ ។#លោកអនុសេនីយ៍ទោវ៉ន ភាព ប្រធានផ្នែកប៉ូលិសចរាចរក្រុងពោធិ៍សាត់ឱ្យដឹងថា គ្រោះថ្នាក់ចរាចរនេះកើតឡើងលើកំណាត់ផ្លូវជាតិលេខ៥ ត្រង់ចំណុចខាងមុខហាងបាយក្នុងភូមិមាន់ចែ សង្កាត់រលាប ក្រុងពោធិ៍សាត់ កាលពីថ្ងៃទី២១ ធ្នូ ២០១០ វេលាម៉ោង៤ និង៣០នាទីរសៀល ។ ជនរងគ្រោះជាអ្នកបើកម៉ូតូឈ្មោះអឹុម ពៅ អាយុ៤៥ឆ្នាំ មានលំនៅក្នុងភូមិតាកែវក្រោម ឃុំបឹងកន្តួត ស្រុកក្រគរ ។ ចំណែក៣នាក់ទៀតរួមដំណើរ ១-ឈ្មោះអ៊ឹម សុខា ភេទស្រី អាយុ១១ឆ្នាំ ត្រូវជាកូន ២-ឈ្មោះឌុល សុគា ភេទស្រី អាយុ៧ឆ្នាំ និង៣-ឈ្មោះឌុល សុភ័ក្ត្រ ភេទស្រី អាយុ៥ឆ្នាំ ទាំងពីរនាក់ត្រូវជាក្មួយ ។
អ្នកឃើញហេតុការណ៍និយាយថា បុរសឈ្មោះអ៊ឹម ពៅ ជិះម៉ូតូម៉ាក អ៊ែរប្លែត ពណ៌ឈាមជ្រូក ពាក់ស្លាកលេខពោធិ៍សាត់ 1B 8082 ធ្វើដំណើរពីលិចទៅកើតដោយឌុបក្មេងស្រីតូចចំនួន៣នាក់ម្នាក់ជិះមុខ និងពីរនាក់ជិះពី#ក្រោយ ។ ពេលជិះទៅដល់ចំណុចកើតហេតុមិនដឹងជាយ៉ាងម៉េច ស្រាប់តែទៅបុកគូទរថយន្តទួរីសធុនតូចដែលកំពុងថយក្រោយបណ្តាលឱ្យដួលរងរបួសយ៉ាងដំណ ំទាំងអស់គ្នា ។ រថយន្តទួរីសពណ៌ឈាមជ្រូកពាក់ស្លាកលេខព្រៃវែង2A 0833 អ្នកបើកបរមិនស្គាល់ឈ្មោះរត់គេចខ្លួនបាត់ ។ រថយន្តគ្រាន់តែក្រពឹតជញ្ជាំងក្រោយបន្តិចបន្តួចប៉ុណ្ណោះ ឯម៉ូតូបានបែកខូចខាតមួយចំនួនធំ ។ ទាំងរថយន្ត និងម៉ូតូបានយកទៅរក្សាទុកនៅអធិការដ្ឋាននគរបាលក្រុងពោធិ៍សាត់ ដើម្បីដោះស្រាយទៅតាមច្បាប់ចរាចរ ។ ចំណែកជនរងគ្រោះទាំងឪពុក កូន និងក្មួយត្រូវបានដឹកតាមរថយន្តសង្គ្រោះរបស់ស្នងការដ្ឋាននគរបាលខេត្តជាអំណោយរបស់លោកជំទាវបណ ្ឌិតប៊ុន រ៉ានី ហ៊ុន សែន យកទៅព្យាបាលនៅមន្ទីរពេទ្យខេត្តពោធិ៍សាត់ ៕