រាជធានីភ្នំពេញ ៖ នៅទីស្តីការក្រសួងព័ត៌មានកាលពីរសៀលថ្ងៃទី១៨ ធ្នូ លោកខៀវ កាញារីទ្ធ រដ្ឋមន្ត្រីក្រសួងព័ត៌មាន បានអនុញ្ញាតឱ្យប្រតិភូសារព័ត៌មានថៃចំនួន១២រូប ចូលជួបសំដែងការគួរសមនិងផ្លាស់ប្តូរយោបល់ពីអ្នកសារព័ត៌មានកម្ពុជាមួយចំនួន ដែលធ្លាប់មានទំនាក់ទំនងគ្នាទៅវិញទៅមក ដើម្បីពង្រឹងអាជីពអ្នកសារព័ត៌មានក្នុងការយកព័ត៌មាន ចៀសវាងការផ្សព្វផ្សាយប្រាសចាកការពិតនាំឱ្យកើតមានបញ្ហាដល់ប្រទេសទាំង២ ។ សមាសភាពខាងកម្ពុជាមានមន្ត្រីសំខាន់ៗក្នុងក្រសួង និងតំណាងសមាគមចំនួន២រូប គឺលោកប៉ែន សមិទ្ធិ និពន្ធនាយកកាសែតរស្មីកម្ពុជា និងជាប្រធានក្លឹបអ្នកកាសែតកម្ពុជា និងលោកសុខ សុវណ្ណ ប្រធានក្រុមប្រឹក្សាសមាគមអ្នកសារព័ត៌មាននៅកម្ពុជា។
លោករដ្ឋមន្ត្រីខៀវ កាញារីទ្ធ បានថ្លែងថា ស្ថានីយទូរទស្សន៍នៅកម្ពុជាមាន១២ស្ថានីយ (១ជារបស់រដ្ឋ និង១១ជារបស់ឯកជន) ហើយស្ថានីយវិទ្យុនៅរាជធានីភ្នំពេញចំនួន៥៣ស្ថានីយ ក្នុងនោះមាន៣ស្ថានីយជារបស់រដ្ឋ និងសារព័ត៌មានទស្សនាវដ្តីចំនួន៥០០ ក្នុងនោះក៏មានសារព័ត៌មានអន្តរជាតិដែរ ។ ច្បាប់សារព័ត៌មានទូលំទូលាយ គឺធានាឱ្យលាក់ប្រភពព័ត៌មានដើម្បីរក្សាសុវត្ថិភាព ឯការត្រួតពិនិត្យ និងការបោះពុម្ពគ្មានការហាមឃាត់។ កន្លងមក សម្តេចតេជោនាយករដ្ឋមន្ត្រីតែងតែគាំទ្រយ៉ាងខ្លាំង និងជំរុញឱ្យមានការផ្លាស់ប្តូរព័ត៌មានពីគ្នាទៅវិញទៅមកឱ្យបានញឹកញាប់បន្តិច សំខាន់ធ្វើឱ្យប្រជាជនយើងទាំង២យល់ចិត្តគ្នាកាន់តែច្បាស់។
លោក Wisuth Komwatcharapong ប្រធានសមាគមអ្នកសារព័ត៌មានថៃប្រចាំក្រុងបាងកក បានថ្លែងថា ក្រុមលោកដែលមានវត្តមាននៅទីនេះគឺមានទាំងទូរទស្សន៍ វិទ្យុ និងសារព័ត៌មានទាំងជាតិ និងអន្តរជាតិ ហើយនេះជាឱកាសល្អមួយឱ្យយើងជួបគ្នាដើម្បីផ្លាស់ប្តូរព័ត៌មាននិងពង្រឹងវិជ្ជាជីវៈយើងថែមទ ៀតតាមប្រសាសន៍ណែនាំរបស់នាយករដ្ឋមន្ត្រីយើងទាំង២ ។ ចំពោះសំណួរពីទស្សនៈនៃការផ្សាយកន្លងមកនាំមានការយល់ច្រឡំលើគ្នា លោកប៉ែន សមិទ្ធិ បានបញ្ជាក់ថា យើងទាំងអស់គ្នាកំពុងតែចង់ដឹងដូចៗគ្នាហើយរាល់ព័ត៌មានដែលចេញផ្សាយកន្លងមក សំខាន់ផ្តោតលើពណ៌សម្បុរជាតិនិយមហួសពេក។ យើងក៏មានការជួបគ្នាជជែកគ្នាខ្លះ និងបានគិតថា យើងទាំងអស់គ្នាកំពុងតែជិះទូកមួយអណ្តែតទឹកមុជងើបៗតាមទឹករលកតូចធំហើយចំពោះសារព័ត៌មា នកម្ពុជាវិញ ប្រយ័ត្នប្រយែងណាស់រាល់ការផ្សាយទើបពេលនេះយើងមានការធូរស្រាលទាំងអស់គ្នា ។
លោករដ្ឋមន្ត្រីខៀវ កាញារីទ្ធ បានប្រៀបធៀបថា កន្លងមកអ្នកសារព័ត៌មានកម្ពុជា-ថៃបានជួបប្រជុំគ្នាជាញឹកញាប់នៅពេលសភាពការណ៍មានភាពតានតឹង ដូចជាពេលថ្មីៗនេះនៅសណ្ឋាគារភ្នំពេញ ដែលមានលោកអាលុុងកន កុលបុត្រ រដ្ឋលេខាធិការក្រសួងពាណិជ្ជកម្ម ថៃ បានមកចូលរួមពង្រឹងវិស័យសេដ្ឋកិច្ចថែមទៀតតាមរយៈសារព័ត៌មាន ។ រាល់ការចេញផ្សាយរបស់សារព័ត៌មាននៅកម្ពុជាមិនដែលសរសេរឱ្យប្រជាជននិងមន្ត្រីខ្មែរស្អ ប់ថៃឡើយដែលចំណុចនេះ លោកសុំសរសើរ ព្រោះតែងតែនាំគ្នាទប់ស្កាត់បញ្ហាបាន នៅកម្ពុជាក៏មានពួកជ្រុលនិយមចង់ធ្វើបាតុកម្មប្រឆាំងថៃដែរ តែរាជរដ្ឋាភិបាលមិនអនុញ្ញាត ព្រោះវាជាការបញ្ឆេះរវាងប្រទេសទាំង២ ។
លោកប្រូយ សម្បត្តិ អនុប្រធានសមាគម សារព័ត៌មានថៃបានបង្ហាញសកម្មភាពរវាងអ្នកសារព័ត៌មានថៃ-កម្ពុជា ដែលនៅជាមួយគ្នាជាង៧ឆ្នាំមកហើយបន្ទាប់ពីមានការដុតស្ថានទូតថៃកន្លងមក ហើយរាល់ការចូលមកក្នុងប្រទេសកម្ពុជានោះក៏មានការជំរុុញសំរបសំរួលពីលោករដ្ឋមន្ត្រីផងដែ រ សំខាន់សម្តេចអគ្គមហាពញាចក្រីហេង សំរិន បានឱ្យកិត្តិយសយ៉ាងខ្លាំងដល់អ្នកសារព័ត៌មានយើងទាំងអស់គ្នា។ ពេលនេះខាងភាគីថៃកំពុងរៀបចំឱ្យមានការបណ្តុះបណ្តាលថែមទៀតដល់អ្នកសារព័ត៌មានក ្រោយៗ ដែលមានភាពទន់ខ្សោយឱ្យមានគុណភាពដូចរៀមច្បងចាស់ៗ ដើម្បីបន្តរក្សាសុខសន្តិភាពដល់ប្រជាពលរដ្ឋយើងទាំងអស់គ្នា ហើយពេលនេះក៏គ្មានប្រទេសណាដែលមានភាពស្និទ្ធស្នាលនឹងគ្នាដូចថៃ-កម្ពុជាដែរក្នុងអាស៊ាននេះ ។
ភាគីទាំង២បានលើកយកការផ្សាយបែបអបិយជំនឿ និងមន្តអាគមមកពិភាក្សាគ្នាផងដែរ ព្រោះវាជាប្រភេទបែបរកផលប្រយោជន៍បុគ្គលតែប៉ុណ្ណោះ ។ ឯបញ្ហាផ្សេងទៀតដូចជា ប្រព័ន្ធវ៉េបសាយ Weekly ឬ Facebook តើយើងត្រូវដោះស្រាយតាមវិធីណា ដើម្បីរក្សាកុំឱ្យរាល់ព័ត៌មានគ្មានប្រភពច្បាស់លាស់ការពិតនោះវារីករាលដាលនាំឱ្យកើតបញ្ហ ាដល់សង្គម និងប្រទេសជាតិយើងទាំង២ទៀត ។ លោករដ្ឋមន្ត្រីបញ្ជាក់ជាចុងក្រោយថា នៅឆ្នាំខាងមុខនេះនឹងប្រមូលអ្នកសារព័ត៌មានកម្ពុជា-ថៃរួមគ្នាធ្វើបុណ្យកឋិនមួយនៅក្នុងខេត្តសុរិន្ទ ដើម្បីជំរុញឱ្យប្រជាពលរដ្ឋនៅតាមព្រំដែននោះកាន់តែមានភាពជិតស្និទ្ធនឹងគ្នាថែមទៀត ៕