មិនគ្រាន់តែ បង្ហាញនូវបណ្តារូបភាព បែបបន្តុះបង្អាប់ ទៅលើសមត្ថភាពថតរូបរបស់ iPhone 5ប្រៀបជាមួយ Lumia 925 ប៉ុណ្ណោះទេ ក្រុមហ៊ុនទូរស័ព្ទហ្វាំងឡង់ នៅសរសសេរចេញនូវសារពាណិជ្ជកម្មថ្មី កែសម្រួលពីលើសារពាណិជ្ជកម្មរបស់ Apple ថែមទៀតផង។
ថតរូបរាល់ថ្ងៃជាមួយ iPhone 5 គឺជាវីដេអូស្ប៉តពាណិជ្ជកម្ម ដ៏គួរឲ្យចាប់អារម្មណ៍មួយរបស់Apple ដោយភ្ជាប់មកជាមួយនូវសារសរសេរថាៈ ជារៀងរាល់ថ្ងៃ កាន់តែមានរូបភាពជាច្រើនថតចេញពី iPhone ជាងម៉ាស៊ីនថតណាទាំងអស់។
ប៉ុន្តែនៅក្នុងពាណិជ្ជកម្មថ្មី ស្តីពីសមត្ថភាពថតរូបនៅលើ Lumia 925, Nokia បានចេញជាសារថាៈ ជារៀងរាល់ថ្ងៃ រូបភាពថតចេញពីស៊េរី Nokia Lumia ស្អាតជាង រូបថតចេញពីទូរស័ព្ទណាទាំងអស់។ ក្រុមហ៊ុនទូរស័ព្ទហ្វាំងឡង់បានឲ្យដឹងថា គុណភាព ទើបជាជាកត្តាសំខាន់ មិនមែនជា បរិមាណ ឡើយ ដែលការនិយាយនេះ គឺបន្តដៀមដាម ដល់ក្រុមហ៊ុន Apple៕
ដោយ៖ សិលាប្រភព៖ VE