ព័ត៌មានចចាមអារាមដែលនិយាយថា Apple, Samsung, Microsoft, Sony... កំពុងតែសម្ងំធ្វើការអភិវឌ្ឍន៍នាឡិកាដៃឆ្លាតវៃ ដែលមានសមត្ថភាព បង្ហាញនូវពេលវេលា ហើយថែមទាំងអាចប្រើប្រាស់ជាមួយបណ្តាស្មាតហ្វូន បានលេចចេញជាយូរមកហើយ។ លើកនេះ គេហទំព័រ SamMobileបានបញ្ជាក់ថា ក្រុមហ៊ុន Samsung នឹងធ្វើការបង្ហាញផលិតផលថ្មី ដំបូងរបស់ខ្លួន ក្នុងពេលឆាប់ៗខាងមុខនេះ ពោលគឺប្រហែលក្នុងរយះពេល ៣សប្តាហ៍ទៀត។
Galaxy Gear, ឈ្មោះកូដ SM-V700, មានដំណើរការដូចជានាឡិកាដៃមួយ ដែលអាចប្រើប្រាស់បានជាមួយស៊េរី ស្មាតហ្វូន Galaxy។ វាអាចនឹងត្រូវបំពាក់នូវអេក្រង់កោងអាចបត់បាន ប៉ុន្តែនៅមិនទាន់មានអ្នកណាដឹងថា ឧបករណ៍នេះ នឹងមានរូបរាងយ៉ាងណានោះទេ ហើយមានលក្ខណៈពិសេសៗ យ៉ាងដូចម្តេចនោះដែរ។
នេះគ្រាន់តែជាគំរូនៃ Version Concept មិនមែនជារូបភាពជាក់ស្តែងរបស់ Galaxy Gear ឡើយ
កាលពីពេលមុន នៅថ្ងៃទី ៣១ ខែ ឧសភា កន្លងទៅនេះ Samsung បានចុះឈ្មោះយកប៉ាតង់រចនាម៉ូត សំរាប់ Smartwatch ជាមួយបណ្តាប៊ូតុង Power, រន្ធ USB, Speaker/mic, ប៊ូតុង Menu...ប៉ុន្តែជាក់ស្តែង មិនច្បាស់ថា Samsung បានប្រើប្រាស់ការរចនាម៉ូតនេះ ទៅលើ Galaxy Gear ឬក៏អត់នោះទេ ?
ព័ត៌មានស្តីពីបច្ចេកវិទ្យាថ្មីៗ គួរឲ្យចាប់អារម្មណ៍ជាច្រើនទៀត សូមចុចត្រង់នេះ !!!
ដោយ៖ សិលាប្រភព៖ VE