ខេត្ដសៀមរាប ៖ បុរសពីរនាក់ដែលជា អ្នកបើកបរ និងព្រូបានត្រូវសមត្ថកិច្ចកងរាជ អាវុធហត្ថ ចាប់ឃាត់ខ្លួន កាលពីព្រឹកថ្ងៃទី១៨ ធ្នូ ព្រោះតែជាប់ពាក់ព័ន្ធនឹងបទល្មើសរត់ពន្ធ ឈើគ្រញូងដែលជាប្រភេទឈើកម្រ ហើយ#កំពុងមានហាងឆេងថ្លៃកប់ពពកក្នុងទីផ្សារក្រៅប្រទេស ។ ការចាប់ខ្លួនបុរសទាំងពីរនាក់នេះ ធ្វើឡើង នៅវេលាម៉ោងប្រមាណ១០និង៣០នាទីព្រឹក លើកំណាត់ផ្លូវជាតិលេខ៦៨ ក្នុងភូមិសាស្ដ្រ ស្រុកស្រីស្នំ ខណៈពួកគេអ្នកទាំងពីរនាក់ប្រើ ល្បិចដឹកឈើគ្រញូងមានមុខកាត់ធំៗចំនួន៣៩ ដុំ ចេញពីខេត្ដឧត្ដរមានជ័យក្នុងបំណងឆ្ពោះ ទៅកាន់ទីផ្សារគោលដៅឯខេត្ដកំពង់ចាម ជាប់ ព្រំដែនយួន តាមរថយន្ដដឹកស្រាបៀរមួយគ្រឿង ។ គេជឿថា នេះជាការច្នៃប្រឌិតរបស់ ក្រុមឧក្រិដ្ឋជនព្រៃឈើ ដើម្បីងាយស្រួលដឹក ជញ្ជូនឈើគ្រញូងល្មើសច្បាប់ ប៉ុន្ដែចំថ្ងៃស៊យធ្វើ ឱ្យមានការសង្ស័យដល់តំណាងចែកចាយរបស់ ក្រុមហ៊ុនស្រាបៀរប្រចាំតំបន់ ក៏បានប្ដឹងមក សមត្ថកិច្ចឱ្យស្ទាក់ចាប់ត្រួតពិនិត្យរថយន្ដនោះ ។
មន្ដ្រីកងរាជអាវុធហត្ថបានឱ្យដឹងថា បុរស ទាំងពីរនាក់នោះ ម្នាក់ឈ្មោះអេង សុវណ្ណៈ អាយុ៣១ឆ្នាំ ជាអ្នកបើកបររថយន្ដ និងម្នាក់ ទៀតឈ្មោះសុំ វណ្ណា អាយុ២០ឆ្នាំ ជាព្រូរថយន្ដ ដឹកឈើនោះ ទាំងពីរនាក់រស់នៅភូមិអំពិល ឃុំ ចារ ស្រុកព្រៃកប្បាស ខេត្ដតាកែវ ។ ចំណែកឯ រថយន្ដដឹកបទល្មើសឈើគ្រញូងជាប្រភេទកូរ៉េ ចំណុះមួយតោនកន្លះ តែច្នៃប្រឌិតធ្វើជារថយន្ដ ដឹកស្រាបៀរ ។ ក្រុមសមត្ថកិច្ចបានសន្និដ្ឋានថា រថយន្ដនោះ បានបន្លំដឹកឈើគ្រញូងចេញពីតំបន់ព្រំដែនខ្មែរ-សៀមនៃខេត្ដឧត្ដរមានជ័យ ឆ្ពោះទៅកាន់ខេត្ដ ជាប់ព្រំដែនយួនជាច្រើនលើកច្រើនសាមក ហើយ ។ នេះបើផ្អែកទៅតាមសំបកកេះស្រា បៀរដែលគេទុកសំរាប់រៀបបិទបាំងឈើគ្រញូង នោះ មានការរបក និងដាច់រហែកយ៉ាងខ្លាំង អាចបញ្ជាក់ថា គេដឹកវាទៅមកជាយូរថ្ងៃមក ហើយ ទើបតែពេលនេះស៊យត្រូវបែកការណ៍ ។ វាមិនខុសអីនឹងសុភាសិតមួយពោលថា លួច គេវាគ្រាន់ដល់គេទាន់ វាក្រែលនោះទេ។ ឈើ គ្រញូងល្មើសច្បាប់ដែលសមត្ថកិច្ចកងរាជអាវុធ ហត្ថបង្ក្រាបបានក្នុងប្រតិបត្ដិការស្ទាក់ពិនិត្យ រថយន្ដដឹកស្រាបៀរនោះមានចំនួន៣៩ដុំ ស្មើ នឹងជាង២ម៉ែត្រគូប សុទ្ធតែខ្នាតឈើត្រូវប៉ាន់ មានមុខកាត់ចាប់ពី០.២៥ម៉ែត្រទៅ០.៣៥ ម៉ែត្រ និងបណ្ដោយ២ម៉ែត្រ ដែលមានតំលៃ មួយម៉ែត្រគូបចាប់ពីជាងមួយម៉ឺនដុល្លារឡើង ទៅ បើគេដឹកទៅដល់ទីផ្សារគោលដៅជាប់ព្រំ ដែនយួន ។
លោកវរសេនីយ៍ឯក យឹម សិលា មេបញ្ជា ការរងកងរាជអាវុធហត្ថខេត្ដ បានថ្លែងថា នីតិ វិធីបន្ដគឺបញ្ជូនទាំងជនសង្ស័យទាំងវត្ថុតាង ប្រព្រឹត្ដបទល្មើសទៅឱ្យខណ្ឌរដ្ឋបាលព្រៃឈើ សៀមរាប នៅព្រឹកថ្ងៃទី១៩ ខែធ្នូ ដើម្បីចាត់ ការតាមច្បាប់ស្ដីពីព្រៃឈើ ព្រោះសមត្ថកិច្ច លោកមានសិទ្ធិត្រឹមតែចាប់ប៉ុណ្ណោះ ចំពោះបទ ល្មើសព្រៃឈើ ហើយអ្នកដែលមានសិទ្ធិចាត់ ចែងថា ត្រូវផាកពិន័យ ឬបញ្ជូនទៅតុលាការ យ៉ាងណានោះ គឺជំនាញរដ្ឋបាលព្រៃឈើជាអ្នក រៀបចំ។ នាយខណ្ឌរដ្ឋបាលព្រៃឈើសៀមរាប លោកទា គឹមសុទ្ធ បានថ្លែងប្រាប់តាមទូរស័ព្ទ កាលពីព្រឹកថ្ងៃទី១៩ ធ្នូ ថា ខាងរដ្ឋបាលព្រៃ ឈើបានទទួលវត្ថុតាង និងជនសង្ស័យទាំងពីរ នាក់នោះហើយ ។ ជានិតិវិធីយើងនឹងចងក្រង សំណុំរឿងនេះទៅតុលាការដើម្បីចាត់ការតាមច្បាប់ ដោយសាតែជនសង្ស័យដែលចាប់ខ្លួន ទាំងពីនាក់នោះ ពុំបានប្រាប់ពីឈ្មោះឈ្មួញពិត ប្រាកដ់ ដើម្បីឱ្យគេចូលខ្លួនមកបង់ផាកពិន័យ អន្ដរកាលតាមច្បាប់ស្ដីពីព្រៃឈើ ។
ទោះជាយ៉ាងណា តំណាងសាខាចែកចាយ ស្រាបៀរប្រចាំខេត្ដឧត្ដរមានជ័យ លោកពត ចិន្ដារា បានថ្លែងថា ជាជំហានដំបូងខាងក្រុមហ៊ុន មិនមានបំណងណាមួយប្ដឹងប្រឆាំងទៅនឹងបុរស ទាំងពីរនាក់ដែលបានបន្លំយករថយន្ដដឹកស្រា បៀរទៅដឹកឈើនោះទេ ដោយលោកបានប្រាប់ថា យើងមិនចង់ធ្វើបាបមនុស្សតាមវិធីច្បាប់ទេ ព្រោះវាអាចជាប់គុកជាប់ច្រវាក់ដែលយើងទាំង អស់គ្នាមិនចង់ចងកម្ម គ្រាន់តែធ្វើការព្រមាន បានហើយ ។ តំណាងសាខារូបនោះ បានបព្ជាក់ទៀតថា ពីដំបូងឡើយលោកមិនបានដឹងថារថយន្ដ នោះដឹកឈើគ្រញូងល្មើសច្បាប់បែបហ្នឹងទេ ហើយការដែលស្នើសុំកំលាំងកងរាជអាវុធហត្ថ ឃាត់រថយន្ដនោះ ដោយសាតែមានការសង្ស័យ ថា មានការចែកចាយស្រាបៀររំលោភមកលើ តំបន់គ្រប់គ្រងដែលក្រុមហ៊ុនធំកំណត់ តែដល់ ពេលឆែកឆេរក៏ឃើញសុទ្ធតែឈើគ្រញូង បែបហ្នឹងទៅ ។ សកម្មភាពដឹកជញ្ជូនបទល្មើស ឈើគ្រញូងដែលមានតំលៃមហិមាពីតំបន់ភាគ ឧត្ដរនៃប្រទេសជាប់ព្រំដែនសៀម ឆ្លងកាត់ភូមិ សាស្ដ្រខេត្ដទេសចរណ៍សៀមរាប ទៅកាន់ទី ផ្សារឯព្រំដែនប្រទេសយួន ត្រូវបានគេមើល ឃើញថា វាបានចាប់ផ្ដើមកើតមានឡើងយ៉ាង ភ្លូកទឹកភ្លូកដីតាំងពីអំឡុងចុងឆ្នាំ២០០៨ រហូត មក ៕