ព័ត៌មានកីឡា៖ សន្ទុះជើងការប្រកួតបានបំបើងសម្លេងយ៉ាងសន្ធោសន្ធៅរវាង Manchester City នឹង Manchester United ក្នុងទីធ្លាបរិវេណពហុកីឡរដ្ឋាន Etihad Stadium កាលពីថ្ងៃអាទិត្យសប្ដាហ៍មុន។
លទ្ធផលបង្ហាញក្រោយការប្រយុទ្ធ Man City យកឈ្នះ Man United ក្នុងពិន្ទុ ១ ទល់ ០ ។ បើយោងតាមការបង្ហាញរបស់គេហទំព័រសារព័ត៌មានអន្ដរជាតិ ប៊ីប៊ីស៊ី លើកឡើងថា ឱកាសនៃការយកឈ្នះរបស់ Man City លើដៃគូរពេលនោះ មិនមានលក្ខណៈងាយឡើយ ដោយហេតុ ការបង្កើតពិន្ទុរបស់ក្រុមគឺនៅនាទីទី ៦៣ ដោយកីឡាករ Sergio Aguero ។ ដោយឡែករឿងហេតុចៃដន្យមួយទៀត មុនពេលពាក់ណ្ដាល ការប្រកួត Man United មានការថយចុះកម្លាំងរនាំងការពារ គឺកីឡាករ Chris Smalling ត្រូវអាជ្ញាកណ្ដាលពិន័យកាតក្រហម បញ្ឈប់ការប្រកួត ហើយរឿងកាន់តែគួរឲ្យស្ដាយមួយទៀត Marcos Rojo ក៏ទទួលរងរបួសស្មាមិនអាចបន្ដការប្រកួតបានទៀត។
ជោគជ័យរបស់ Manchester City ពេលនេះក្រុម មានឱកាសបង្កើនប្រជាប្រិយភាពឡើងវិញ បន្ទាប់ពីការបរាជ័យពីរលើក ជាមួយ Newcastle និង West Ham ក្នុងមិត្ដិភាពប្រកួតកន្លងមក។





ដោយ៖ អឿ អ៊ុយប្រភព៖ ប៊ីប៊ីស៊ី