បើទោះបីជាយើងលេចលឺដំណឹងថា Rooney មិនសប្បាយចិត្ត លេងអោយក្រុម ManchesterUnited ហើយចង់ចាកចេញក៏ដោយ តែកីឡាករអង់គ្លេសមួយរូបនេះ នៅតែខំប្រឹង បញ្ចេញស្នាដៃ លើកមុខក្រុម Manchester ជានិច្ច ។
ថ្មីៗនេះ Rooney ស៊ុតបាន ២ គ្រាប់ក្នុងការប្រកួត Champion League ជាមួយនិងក្រុម BayerLeverkusen ដែលជាគ្រាប់បង្គ្រប់គ្រាប់បាល់ទី ២០០ នៅក្នុងប្រវត្តិសាស្ត្ររបស់ក្រុម បិសាចក្រហម Manchester United ។ ជាមួយនិង ២០០ គ្រាប់នេះ Wayne Rooney បានឡើងមកដល់លំដាប់ថ្នាក់លេខ ៤ ដែលលេងអោយក្រុម Manchester United បាន ៤០៦ ប្រកួត ។តាមពីក្រោយ តារាបាល់ទាត់ជើងចាស់ផ្សេងទៀតរបស់ Manchester United ដែលមានដូចជា Jack Rowley, Denis Law, និង Sir Bobby Charlton ។
ជាមួយគ្នានោះផងដែរ ក្នុងបទសំភាសន៍ថ្មីមួយ ពេលដែលអ្នកកាសែត ចចេសសួរអំពីដំណឹងនៃការចាកចេញពី Manchester United នោះ Rooney បានឆ្លើយមកវិញភ្លាមថា គាត់មិនបានគិតពីរឿងនេះទៀតទេ ហើយឥលូវនេះរូបគេ ផ្តោតសំខាន់តែលើរឿង ទាត់បាល់អោយក្រុមManchester United ប៉ុណ្ណោះ ៕
ដោយ ៖ កុសលប្រភព ៖ dailymail