ព្រំដែនព្រះវិហារ ៖ ទាហានឈុតខ្មៅថៃជាច្រើនរយនាក់បានលួចឆ្មក់រំកិលចូលមកឈរ ជើងជាថ្មីឡើងវិញនៅចំណុចសំបុកឃ្មុំក្នុងលេណដ្ឋានចាស់របស់ ទាហានកម្ពុជាកាលពីវេលាម៉ោង៩ព្រឹកថ្ងៃទី២៦ មករា ២០១១ បង្កឱ្យមានការប្រទាំងប្រទើសជាខ្លាំងជាមួយទាហានកម្ពុជា ដែលលើកកំលាំងនៅបណ្តេញពួកគេចេញ ប៉ុន្តែពួកទាហានថៃមិនចាកចេញទេ ដូច្នេះអាចធ្វើឱ្យស្ថានភាពយោធាចាប់ផ្តើមតានតឹងជាថ្មី ម្តងទៀត ហើយ ។
មន្ត្រីយោធាកម្ពុជាបានឱ្យដឹងថា ទាហានឈុតខ្មៅថៃរាប់រយនាក់ពិតជាបានមកឈរជើងនៅចំណុច សំបុកឃ្មុំប្រាកដមែន គឺគេចូលជ្រៅហួសលេណដ្ឋានចាស់របស់ពួកគេទៅទៀត...រហូតមកដល់ លេណដ្ឋានចាស់របស់កម្ពុជា...អាចថា យុទ្ធសាស្ត្ររបស់ពួកគេទទួលបានជោគជ័យល្អណាស់គឺឈ្នះមិនបាច់ ប្រឹង ឈ្នះដោយត្រជាក់បំផុត...គេលួងលោមកម្ពុជាដកទ័ពថយ លុះពេលភ្លេចខ្លួន គេលួចមកឈរជើងនៅទីនោះ (លេណដ្ឋានរបស់ទាហានកម្ពុជា) ហើយទាហានកម្ពុជាពិបាកបណ្តេញគេណាស់ ។
ប្រភពដដែលបានឱ្យដឹងថា ឥឡូវនេះទាហានកម្ពុជាកំពុងលើកគ្នាទៅបណ្តេញឱ្យទាហានថៃ ទៅឈរជើងនៅខ្សែត្រៀមចាស់របស់ពួកគេវិញ កុំឈរជើងក្នុងលេណដ្ឋានរបស់កម្ពុជាតទៅទៀត ប៉ុន្តែទាហានថៃមិនទាន់យល់ព្រមនៅឡើយទេ ធ្វើឱ្យភាពចំរូងចំរាស់កាន់តែតានតឹងឡើង ។ គេបានបញ្ជាក់ថា កន្លែងសំបុកឃ្មុំនេះកាលនៅតានតឹងគឺទាហានថៃ និងទាហានកម្ពុជាបានជីកខ្សែត្រៀមទល់មុខគ្នានៅតាមខ្សែ បន្ទាត់ព្រំដែន ដោយទុកតំបន់ស ស្ថិតនៅចន្លោះកណ្តាល លុះពេលស្ថានភាពធូរស្រាលទាហានទាំង២ក៏ដកថយរៀងៗខ្លួនវិញ... ស្រាប់តែឥឡូវទាហានឈុតខ្មៅថៃបានមកឈរជើងនៅលើខ្សែត្រៀម (លេណដ្ឋាន) ចាស់របស់កម្ពុជាតែម្តង ។
គួររំលឹកថា កាលពីថ្ងៃទី២៤ មករា ២០១១ កងទ័ពថៃបានទាមទារឱ្យភាគីកម្ពុជាដកស្លាកសញ្ញាថ្មដែលចារឹកថា