រាជធានីភ្នំពេញ ៖ បុរសជនជាតិវៀតណាមម្នាក់បានស្លាប់ក្នុងមន្ទីរពេទ្យកាល់ម៉ែត កាលពីវេលាម៉ោង៩និង៤០នាទីយប់ថ្ងៃទី២៥ មករា ២០១១ ក្រោយពីបុរសនោះត្រូវប្រពន្ធយកកាំបិតចិតបន្លែចាក់ចំឆ្អឹងជំនីរ ខាងឆ្វេងនៅចំណុចផ្ទះជួលលេខ៦០ ភូមិទួលសង្កែ សង្កាត់ទួលសង្កែ ខណ្ឌឫស្សីកែវ ។
មន្ត្រីនគរបាលបានឱ្យដឹងថា ជនរងគ្រោះដែលរងអំពើហិង្សាត្រូវប្រពន្ធចាក់ស្លាប់នោះមានឈ្មោះ តាំង ធីយ៉ុង ភេទប្រុស អាយុ៥១ឆ្នាំ រីឯប្រពន្ធជាប់ចោទត្រូវបានឃាត់ខ្លួនឈ្មោះដាំង ធីហៀង អាយុ៥៣ឆ្នាំ ស្នាក់នៅផ្ទះជួលលេខ៦០ ភូមិទួលសង្កែ សង្កាត់ទួលសង្កែ ខណ្ឌឫស្សីកែវ។
យោងតាមរបាយការណ៍របស់សមត្ថកិច្ចបានឱ្យដឹង ថា បុរសរងគ្រោះឈ្មោះតាំង ធីយ៉ុង បានទៅលួចលាក់ទៅមានប្រពន្ធចុងនៅឯខេត្តព្រៃវែងអស់រយៈពេល ជាង២ឆ្នាំ រហូតបានកូនប្រុស ម្នាក់ ទើបមានអាយុជាងមួយខែ ។ នៅថ្ងៃកើតហេតុបុរសតាំង ធីយ៉ុង បានវិលមកលេងប្រពន្ធដើម ឈ្មោះដាំង ធីហៀង វិញ ។ ក្នុងឱកាសនោះបុរសជាអតីតប្តីបានទិញស្រាមួយលីត្រផឹកជា មួយមិត្តភក្តិដែលធ្លាប់រាប់អានគ្នា តែខណៈពេលកំពុងផឹកស៊ីនោះក៏កើតទំនាស់ពាក្យសំដីជាមួយប្រពន្ធ ដើម ។ រហូតក្លាយជាអំពើហិង្សា បុរសរងគ្រោះយកជ្រុញបំរុងគប់ទៅលើប្រពន្ធ តែត្រូវស្ត្រីជាប្រពន្ធប្រតាយប្រតប់គ្នា បណ្តាលឱ្យត្រូវចំមុខប្រពន្ធទើបប្រពន្ធព្យាយាមកាន់កាំបិត ចិតបន្លែការពារខ្លួន កុំឱ្យប្តីវាយ តែបុរសនោះនៅតែមានះរត់ទៅរកវាយប្រពន្ធ ក៏ត្រូវប្រពន្ធចាក់ពីរកាំបិត ៕
http://kohsantepheapdaily.com.kh/art...25-213252.html