ភ្នំពេញ ៖ រថយន្តដឹកខ្សាច់មួយគ្រឿងបានបើកកៀរម៉ូតូម៉ាកស្តេបជិះពីរនាក់ ម្ដាយកូន បណ្ដាលឲ្យ អ្នកទាំងពីររងរបួសធ្ងន់ ត្រូវបានរថយន្តសង្រ្គោះបន្ទាន់ដឹកយកទៅសង្រ្គោះនៅមន្ទីរពេទ្យ។ ចំណែកចរាចរនៅ លើស្ពានព្រះមុនីវង្សចាស់ត្រូវបានកកស្ទះមួយរយៈពេលធំ។
សមត្ថកិច្ចនៅកន្លែងកើតហេតុបានប្រាប់កម្ពុជាថ្មី ថា នៅម៉ោង៨និង១០នាទី ព្រឹកថ្ងៃទី២៦ ខែមករានេះ មានរថយន្តដឹកខ្សាច់មួយគ្រឿង ម៉ាក FUSU ពណ៌ខៀវ ពាក់ស្លាកលេខ ភ្នំពេញ 3A 0674 ជារបស់ក្រុមហ៊ុន
បានមានលាភ មានទីស្នាក់ការក្បែវវត្តចាក់អង្រែ បើកបរដោយតៃកុងមិនស្គាល់អត្តសញ្ញា(រត់គេចបាត់) បានបើកកៀរម៉ូតូមួយគ្រឿងនៅលើស្ពានព្រះមុនីវង្សចាស់ ពេលធ្វើដំណើរស្របទិសគ្នា ម៉ាកស្តេប ពណ៌សលាយខ្មៅ ពាក់ស្លាកលេខ 1AR5434 បើកបរដោយស្រ្តីឈ្មោះចាង វណ្ណី អាយុ៣០ឆ្នាំ មុខរបរ ធ្វើការនៅក្រុមហ៊ុនវីន និងដឹកកូនស្រីម្នាក់ឈ្មោះសុខ សុហ្វីយ៉ា អាយុ៤ឆ្នាំ រងរបួសត្រង់ប្រអប់ជើង មានទីលំនៅភូមិតាង៉ូវ សង្កាត់និរោធ ខណ្ឌមានជ័យ។
ក្រោយបើកកៀររួចតៃកុងរថយន្តបានរត់គេចខ្លួន បាត់។ ចំណែកស្រ្តីនិងកូនស្រីរងគ្រោះត្រូវបានរថយន្តសង្រ្គោះបន្ទាន់ដឹក យកទៅព្យាបាលនៅមន្ទីរពេទ្យ៕
http://www.kampucheathmey.com/local-...-02-12-11.html