រាជធានីភ្នំពេញ ៖ កំលាំងសណ្តាប់ធ្នាប់ខណ្ឌដូនពេញដឹកនាំដោយលោកគឹម វុត្ថា សហការជាមួយសង្កាត់ស្រះចក វត្តភ្នំ ចតុមុខ និងជ័យជំនះ បានចុះប្រមូលជនអនាថា និងក្រុមហិតកាវ កាលពីវេលាម៉ោង១០យប់ថ្ងៃទី១៦ មករា ២០១១ ។ លោកគឹម វុត្ថា ប្រធានសណ្តាប់ធ្នាប់ខណ្ឌដូនពេញ បានឱ្យដឹវត្តភ្នំ ជាងថា យោងតាមបទបញ្ជាសាលារាជធានីភ្នំពេញ និងតាមការចង្អុលបង្ហាញពីលោកអភិបាលខណ្ឌដូនពេញ បានដាក់ផែនការចុះប្រមូលជនអនាថា ស្រ្តីរកស៊ីផ្លូវភេទ និងក្មេងហិតកាវ តាមផ្លូវសាធារណៈ ក៏ដូចជាតាមរមណីយដ្ឋានប្រចាំ មិនថាយប់ ឬថ្ងៃនោះទេ ស្របតាបផែនការគោលនយោបាយរបស់ក្រសួងមហាផ្ទៃឱ្យអនុវត្តភូមិសង្កាត់មានសុវត្ថិភា ព ។
ជាក់ស្តែង នៅយប់ថ្ងៃទី១៦ មករា ២០១១ កំលាំងសណ្តាប់ធ្នាប់ខណ្ឌសហការជាមួយសង្កាត់ស្រះចក វត្តភ្នំ ចតុមុខ និងជ័យជំនះ បានឃាត់ខ្លួនមនុស្សចំនួន១៦នាក់ ក្នុងនោះក្រុមហិតកាវចំនួន៤នាក់ ហើយ១២នាក់ទៀតជាជនអនាថា ស្នាក់នៅតាមផ្លូវសាធារណៈ ។ ជនទាំងនេះត្រូវបានធ្វើការប្រគល់ឱ្យទៅមន្ទីរសង្គមកិច្ចរាជធានីភ្នំពេញ កាលពីព្រឹកថ្ងៃទី១៧ មករា ២០១១ ។ សូមបញ្ជាក់ថា រយៈពេលចាប់ពីថ្ងៃទី១ មករា ២០១១ ដល់ថ្ងៃទី១៧ មករា នេះ សាលាខណ្ឌដូនពេញ បានប្រមូលជនអនាថា ស្ត្រីរកស៊ីផ្លូវភេទ និងក្រុមក្មេងហិតកាវបានចំនួន១១០នាក់ហើយ និងបន្តប្រមូលតទៅទៀត ៕