ផ្អែកតាមផែនការដែលបានកំណត់ក្នុង កិច្ចប្រជុំគណៈបញ្ជាការឯកភាពខណ្ឌ និងយោង តាមស្មារតីនៃកិច្ចប្រជុំគណៈកម្មការការពារសន្តិសុខ សុវត្ថិភាព និងសណ្តាប់ធ្នាប់រួចមក កម្លាំងគណៈបញ្ជាការឯកភាព ក៏បានចុះអនុវត្តយ៉ាងសកម្មដោយបានចុះត្រួតពិនិត្យរដ្ឋ
បាល និងចុះរៀបចំសណ្តាប់ធ្នាប់តាមដងមហាវិថី សហព័ន្ធរុស្ស៊ី និងតាមវិថីសំខាន់ៗ
មួយចំនួនទៀត។
ជាក់ស្តែងដូចជានៅព្រឹកថ្ងៃទី២១ខែមីនានេះ និងស្របពេលដែលគណៈប្រតិភូប្រទេសភូមា និងបណ្តាប្រទេសជាមិត្តនឹងអញ្ជើញមកជាបន្តបន្ទាប់ ពិសេសប្រធានាធិបតីសាធារណៈរដ្ឋ
ប្រជាមានិតចិន និងអញ្ជើញមកដល់នៅថ្ងៃទី៣០ខែមីនាខាងមុខនេះ។ កម្លាំងគណៈបញ្ជាការឯកភាពខណ្ឌចុះរៀបចំសណ្តាប់ធ្នាប់ក្នុងមូលដ្ឋាន និងដោតទង់ជាតិដោយប្រើប្រាស់កម្លាំង
សណ្តាប់ធ្នាប់របស់អធិការដ្ឋាន និងកម្លាំងសណ្តាប់ធ្នាប់ខណ្ឌដោយប្រើប្រាស់រថយន្តចំនួន
០២គ្រឿង។
លោក ម៉ូវ ម៉ានិត អភិបាលរងខណ្ឌបានឲ្យដឹងថា៖ ក្រុមការងាររបស់រដ្ឋបាលខណ្ឌចុះរៀបចំ
សណ្តាប់ធ្នាប់ព្រឹកចាប់ពីម៉ោង៨:០០ និងរសៀលចាប់ពីម៉ោង១៤:០០ដោយធ្វើតាមបណ្តាយ
មហាវិថីសហព័ន្ធរុស្ស៊ីចាប់ពីស្ពានអាកាស៧មករារហូតដល់ព្រំប្រទល់ខណ្ឌពោធិសែនជ័យ និងតាមផ្លូវធំៗក្នុងមូលដ្ឋានខណ្ឌ។ ចំពោះការចុះរៀបចំសណ្តាប់ធ្នាប់នេះ គឺយើងមិនមែនធ្វើ
តែនៅថ្ងៃនេះទេគឺយើងបានធ្វើជាបន្តបន្ទាប់មកហើយដែរ ប៉ុន្តែចាប់ពីថ្ងៃនេះរហូតដល់កិច្ចប្រជុំកំពូលអាស៊ានយើងនឹងរឹតបន្តឹងខ្លាំងជាងមុន។ អ្នកលក់ហ្គាស និងអ្នកប៉ះកង់ម៉ូតូ និងរថយន្តគឺមិនអនុញ្ញាតឲ្យធ្វើអាជីវកម្មតាមបណ្តោយមហាវិថីសហព័ន្ធរុស្ស៊ីទេ។ លើកមុនយើងគ្រាន់តែធ្វើការណែនាំ និងជូនដំណឹងតែប៉ុណ្ណោះ ថ្ងៃនេះយើងអនុវត្តតែម្តង
ដោយលើកយកសម្ភារដែលដាក់លើចិញ្ចើមថ្នល់យកទៅរក្សាទុករហូតដល់កិច្ចប្រជុំកំពូលចប់ ទើបប្រគល់ជូនវិញ។
ចំណែកការងារការពារសន្តិសុខវិញលោកអភិបាលរង ម៉ូវ ម៉ានិត ក៏បានឲ្យដឹងដែរថា៖ គណៈបញ្ជាការឯកភាពខណ្ឌនឹងអនុវត្តឲ្យបានម៉ត់ចត់ និងខ្លាំងក្លាបំផុត ហើយយើងក៏
បានដាក់ផែនការរួចហើយដែរគឺប្រើប្រាស់កម្លាំងអធិការដ្ឋាន និងកម្លាំងកងរាជអាវុធ
ហត្ថខណ្ឌចំនួន១១២នាក់ដោយកំណត់ចំណុចខ្ពស់ចំនួន៥គោលដៅនិងដាក់កម្លាំង
ប្រជាការពារតាមដីទំនេរធំៗផងដែរ៕
ប្រភព៖
http://www.phnompenh.gov.kh