អ្នកគ្រប់គ្រងក្រុម Manchester City គឺលោក Roberto Mancini បានអះអាងថា ក្រុមរបស់លោក គឺនៅតែជាក្រុមដែលពូកែជាង Manchester United ទោះបីជា Manchester City បានប្រកួតចាញ់ កាលពីយប់ថ្ងៃអាទិត្យកន្លងទៅនេះក៏ដោយ។
លោក Mancini បានមានប្រសាសន៍ថា “ទោះបីជាក្រុម Man Utd មានបទពិសោធន៍ច្រើនជាង ក្នុងការប្រកួតក៏ដោយ តែក្រុម Man City វិញមានកីឡាករល្អៗជាង ហើយការលេងក៏បានល្អ ជាងដែរ”។
ក្នុងនោះដែរ លោក Mancini ក៏លើកពីឈ្មោះកីឡាករ Balotelli ដែរដោយនិយាយថា ទោះបីជាកីឡាករនេះ លេងពុំសូវបានល្អក៏ដោយនៅក្នុងក្រុម តែលោកសង្ឃឹមថា Balotelli នឹងអភិវឌ្ឍសម្ថភាពរបស់គេ លេងបានល្អវិញនាថ្ងៃខាងមុខ៕
ដោយ៖ តុលា ប្រភព៖ DM