ខេត្តក្រចេះ ៖ ព្រះពុទ្ធសាសនា ជាសាសនារបស់រដ្ឋ មិនគប្បីធ្វើឱ្យកករល្អក់នោះទេ តែបុគ្គលខ្លះបែរជាយកព្រះពុទ្ធសាសនាទៅធ្វើសកម្មភាពផ្តេសផ្តាសបង្កការប៉ះពាល់ដល់ព ុទ្ធប្បញ្ញាត្តិធ្វើឱ្យវិស័យនេះទទួលរងយ៉ាងធ្ងន់ធ្ងរទៅវិញ ។ រឿងថ្មីមួយទៀតពិតជាគួរឱ្យហួសចិត្តដែលបុគ្គលម្នាជាភិក្ខុត្រូវប៉ូលិសអធិការស្រុក ឆ្លូង ឃាត់ខ្លួនភ្លាមៗ ក្រោយពេលដែលរូបគេ បានលួចមានទំនាក់ទំនងសេ្នហាទាំងខ្លួនឯងនៅគ្រងស្បង់ចីវររហូតឈានទៅដល់ការបង្កសកម្មភ ាពរំលោភសេពសន្ថវៈលើនាងក្រមុំម្នាក់ នៅកណ្តាលវាលស្រែ រហូតបានសំរេចទាំងបំពានវិន័យសង្ឃយ៉ាងធ្ងន់បំផុត និងប្រពៃណី ។ បុគ្គលជាភិក្ខុនេះមិនទាន់លះបង់កិលេសកាម ហើយត្រូវប៉ូលិសចាប់បកស្បង់ចីវររូបនេះ ឈ្មោះអុន ប្រុស ហៅជៀន អាយុ២៥ឆ្នាំ មានទីលំនៅភូមិព្រែកកូវ ឃុំបុសលាវ និងជាចៅអធិការនៅវត្តជ្រោយពាក់វែក ភូមិតាងួន ឃុំវឌ្ឍនៈ ស្រុកសំបូរ រីឯនារីរងគ្រោះអាយុ២៩ឆ្នាំ មានទីលំនៅឃុំកោះច្រេង ស្រុកចិត្របុរី ។តាមប្រភពព័ត៌មាន បានឱ្យដឹងថា ជននេះធ្លាប់ស្គាល់នាងក្រមុំរយៈពេលជាងមួយខែមកហើយតាមរយៈទូរស័ព្ទ ថ្ងៃទី៣ មករា វេលាម៉ោង១១យប់ បុគ្គលជាសង្ឃរូបនេះបានក្លែងខ្លួនជាគ្រហសស្លៀកខោពាក់អាវ រួចណាត់នារីនោះមកមើលល្ខោននៅវត្តអម្ពនវន្តសិលារាម ស្ថិតក្នុងភូមិព្រែកចំឡាក់ ឃុំកញ្ជរ ស្រុកឆ្លូង រួចក៏ឈានទៅដល់ការរំលោភសេពសន្ថវៈលើនារីរងគ្រោះរហូតដល់បានសំរេចតែម្តង ។ លោកវរសេនីយ៍ត្រី ហុង សុខលី អធិការនគរបាលស្រុកឆ្លូង បានឱ្យដឹងកាលពីថ្ងៃទី៤ មករា ថា បន្ទាប់ពីមានពាក្យបណ្តឹងពីគ្រួសារនារីរងគ្រោះភ្លាមកំលាំងប៉ូលិសប៉ុស្តិ៍រដ្ឋបាលសហការ ជាមួយកំលាំងប៉ូលិសនៃអធិការស្រុកបានចុះទៅដល់កន្លែងកើតហេតុ និងធ្វើការឃាត់ខ្លួនជនជាភិក្ខុរូបនេះមកកាន់អធិការដ្ឋានដើម្បីសួរនាំ ។នៅមុខសមត្ថកិច្ចឈ្មោះអុន ប្រុស បានឆ្លើយសារភាពថា ខ្លួនបានធ្វើចៅអធិការវត្តជ្រោយពាក់វែក ក្នុងភូមិតាងួន ឃុំវឌ្ឍនៈ ស្រុកព្រែកប្រសព្វ រយៈពេលជាង១វស្សា ហើយស្គាល់នារីរូបនេះតាមរយៈទូរស័ព្ទរយៈពេលជាងមួយខែនេះ ។ ដោយសារការទំនាក់ទំនងមានភាពល្អូនល្អិន ហើយមានទំហំនៃសេចក្តីស្នេហាកាន់តែរីកធំ រហូតដល់ថ្ងៃទី៣ មករា ខ្លួនបានធ្វើដំណើរមកកាន់វត្តពោធិ ស្ថិតនៅក្នុងឃុំបុសលាវ ស្រុកចិត្របុរី រហូតដល់ម៉ោង៤រសៀលថ្ងៃដដែលក៏បានដោះស្បង់ចីវរចេញពីខ្លួនហើយស្លៀកសំលៀកបំពាក់ធម្មតា ជាគ្រហស្ថ រួចយកស្បង់ចីវរនោះទៅទំលាក់ចោលនៅក្នុងទឹកទន្លេ ហើយបានណាត់ស្រីស្នេហ៍តាមទូរស័ព្ទទៅមើលគេលេងល្ខោននៅវត្តព្រែកចំឡាក់ ហើយបានលួងលោមស្រីស្នេហ៍រួមរ័ករហូតដល់បានសំរេចដូចបំណង ។តាមការរៀបរាប់របស់ស្ត្រីរងគ្រោះវិញបានឱ្យដឹងថា កាលពីយប់ថ្ងៃកើតហេតុនាងនិងក្រុមគ្រួសារបាននាំគ្នាទៅមើលល្ខោននៅវត្តខាងលើ ខណៈពេលកំពុងតែមើលនោះ ស្រាប់តែជននេះមកចាប់អូសដៃនាង ពេលនោះនាងក៏មានភាពស្រឡាំងកាំង តែបានដើរតាមពីក្រោយ រហូតដល់វាលស្រែខាងក្រោយវត្តជននេះបានគំរាមនាង និងធ្វើសកម្មភាពចាប់នាងរំលោភ ហើយនាងស្រែកឱ្យគេជួយដែរ តែមិនមាននរណាឮដោយសារតែសំឡេងភ្លេងល្ខោនឮខ្លាំងពេក ។ ទោះបីជាបែបណាដោយសារតែនាងខំរើបំរះត្រូវជននេះវាយមួយដៃចំកញ្ចឹង.ក រួចធ្វើសកម្មភាពចាប់រំលោភនាងនៅកណ្តាលវាលស្រែក្នុងភក់រហូតដល់បានសំរេច ។គ្រួសារនារីរងគ្រោះបានឱ្យដឹងដែរថា បន្ទាប់ពីបាត់នារីរងគ្រោះ បងប្អូនបាននាំគ្នាដើររកគ្រប់ច្រកល្ហកក្នុងវត្តតែរកមិនឃើញ ភ្លាមនោះ ក៏ បានជួបជនរងរូបនេះ ដោយគេបានយកស្បែកជើងនារីរងគ្រោះមកបោះឱ្យបងប្អូននាង ហើយថែមទាំងនិយាយថា