ប្រភពព័ត៌មានពី Bloomberg បានបញ្ជាក់ថា Apple នឹងធ្វើការបង្ហាញណែនាំទាំងគំរូ Tablet បន្ថែមពីលើគំរូស្មាតហ្វូន iPhone ថ្មីនៅព្រឹត្តិការណ៍សំខាន់មួយ ថ្ងៃទី ១០ ខែកញ្ញា ខាងមុខនេះ។ បណ្តាផលិតផលទាំងនេះ សុទ្ធតែត្រូវបានក្រុមហ៊ុនបង្ហាញណែនាំជាមួយប្រព័ន្ធប្រតិបត្តិការ iOS 7 ថ្មីបំផុត។ នេះគឺជាពេលវេលា ដែលបណ្តាក្រុមហ៊ុនផលិតផ្សេងៗទៀត ក្នុងនោះមានទាំង Samsungបានបញ្ចេញនូវផលិតផលសំខាន់ៗ ជាច្រើន នៅឯពិព័រណ៌ IFA 2013 ដែលនឹងប្រារព្ធឡើងនៅប្រទេសអាឡឺម៉ង់។
មិនមានព័ត៌មានផ្លូវការ ដែលថា iPad ណាមួយនឹងបង្ហាញខ្លួនឡើយ។ វាអាចជាគំរូ iPad ជំនាន់ទី 5ជាមួយនឹងការរចនាម៉ូតថ្មី ឬក៏ iPad Mini អេក្រង់ Retina ឬអាចទាំងពីរ។ iPad Mini ជំនាន់ដំបូងបានបង្ហាញខ្លួននៅខែ តុលា ឆ្នាំ២០១២ ហើយក្រោយមកទទួលបានបរិមាណលក់ លើសកំរិតនៃការរំពឹងទុកទៅទៀត។
រួមជាមួយនឹង iPhone និង iPad, iOS 7 ក៏ជាប្រព័ន្ធប្រតិបត្តិការមួយ ដែលត្រូវបានគេទន្ទឹមរង់ចាំផងដែរ។ នេះគឺជាប្រព័ន្ធប្រតិបត្តិការ ដែលមានការផ្លាស់ប្តូរច្រើនជាងគេ ចាប់តាំងពីពេល Apple បង្ហាញខ្លួន iPhone ជំនាន់ដំបូងនៅឆ្នាំ ២០០៧៕
ព័ត៌មានស្តីពីបច្ចេកវិទ្យាថ្មីៗ គួរឲ្យចាប់អារម្មណ៍ជាច្រើនទៀត សូមចុចត្រង់នេះ !!!
ដោយ៖ សិលាប្រភព៖ VExpress