រាជធានីភ្នំពេញ ៖ ប្រជាពលរដ្ឋរស់នៅក្នុងសង្កាត់ទឹកល្អក់ទី២ ខណ្ឌទួលគោក មានប្រតិកម្មយ៉ាងខ្លាំងចំពោះអាជ្ញាធរមូលដ្ឋានដែលបានដើរប្រមូលថវិកាក្នុងការស្ថាបនាផ ្លូវមួយលេខ១៥៦ ដោយមិនបានជួបប្រជុំ និងប្រកាសពីគំរោងស្ថាបនាឱ្យប្រជាពលរដ្ឋបានដឹងជាមុន ។ ប្រជាពលរដ្ឋបានឱ្យដឹងថា រយៈពេលប្រមាណ១អាទិត្យមកហើយ ដែលប្រធានភូមិទី១២ គឺលោកឱ អោក រួមទាំងក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក ចុះតាមផ្ទះអមសងខាងផ្លូវទារប្រាក់គ្មានគោលការណ៍ច្បាស់លាស់ដែលផ្ទះខ្លះបង់៥០ដុ ល្លារ ខ្លះ១០០ដុល្លារ និងខ្លះទៀតអស់រហូតដល់៤៥០ដុល្លារ ។ ប្រជាពលរដ្ឋមួយក្រុមបានឱ្យដឹងទៀតថា បើសិនផ្លូវលេខ១៥៦ ជាគំរោងអភិវឌ្ឍន៍តាមគោលការណ៍ របស់រាជធានីភ្នំពេញ ៥០%+៥០% គួរណាស់អាជ្ញាធរសង្កាត់ជួបប្រជុំណែនាំដល់ប្រជាពលរដ្ឋដែលរស់នៅតាមដងផ្លូវឱ្យយល ់ និងឱ្យដឹងជាមុនមិនត្រូវចុះមកទារប្រាក់តាមតែនឹកឃើញនោះទេ ។ ផ្លូវលេខ១៥៦ ឆ្លងកាត់២សង្កាត់ គឺសង្កាត់ទឹកល្អក់ទី២ និងសង្កាត់ផ្សារដេប៉ូទី១ មានប្រវែង១.៤៦៣ម៉ែត្រ ។ ប្រជាពលរដ្ឋឆ្ងល់ថា ផ្លូវលេខ១៥៦ ក្នុងសង្កាត់ផ្សារដេប៉ូទី១ មិនមានអាជ្ញាធរណាមកយកប្រាក់៥០+៥០នោះទេ ដែលខ្លះថា ជាអំណោយរបស់លោកជំទាវបណ្ឌិត ប៊ុន រ៉ានី ហ៊ុន សែន និងខ្លះទៀតថា ប្រើប្រាស់ថវិកាសាលារាជធានីភ្នំពេញ ។បើតាមមន្ត្រីសាលារាជធានីភ្នំពេញ មួយរូបបានឱ្យកោះសន្តិភាពដឹងតាមទូរស័ព្ទថា ផ្លូវលេខ១៥៦ ស្ថាបនាដោយប្រើប្រាស់ថវិការបស់សាលារាជធានីភ្នំពេញ ដែលមានប្រវែង១.៤៦៣ម៉ែត្រ ទទឹង៨,០៣ម៉ែត្រ ចាប់ពីផ្សារដេប៉ូ ក្នុងសង្កាត់ផ្សារដេប៉ូទី១ រហូតដល់ផ្លូវលេខ២៧១ សង្កាត់ទឹកល្អក់ទី២ ខណ្ឌទួលគោក ។ ទោះបីជាយ៉ាងណាក៏ដោយ បើសិនជាការស្ថាបនាផ្លូវនេះប្រើប្រាស់ថវិកាសាលារាជធានីភ្នំពេញ ១០០% ហើយមានអ្នកដើរតត្រុកតាមផ្ទះទារយកប្រាក់៥០% ពីប្រជាពលរដ្ឋនោះច្បាស់ជាមានមន្ត្រីមូលដ្ឋានមួយចំនួន «ជាត្រីងៀត ឆ្លៀតពង» មិនគួរអនុគ្រោះឡើយ ។ទាក់ទិននូវប្រតិកម្មរបស់ប្រជាពលរដ្ឋលោកសេង សារ៉ាន់ ចៅសង្កាត់ទឹកល្អក់ទី២ បានឱ្យដឹងថា ផ្លូវលេខ១៥៦ មុនដំបូងតាមគំរោងស្ថាបនាដោយគោលការណ៍សាលារាជធានីភ្នំពេញ ៥០%បូក៥០% គឺប្រជាពលរដ្ឋ៥០% និងសាលារាជធានីភ្នំពេញ ៥០% ។ សាលាខណ្ឌបានណែនាំដល់សាលាសង្កាត់ចុះជួបប្រជាពលរដ្ឋរស់នៅតាមដងផ្លូវធ្វើការផ្សព្ វផ្សាយ និងចលនាប្រជាពលរដ្ឋឱ្យចូលរួម គឺមិនបានជួបប្រជុំប្រជាពលរដ្ឋនោះទេ ។ លោកចៅសង្កាត់បានបន្តទៀតថា ការចលនាប្រជាពលរដ្ឋឱ្យចូលរួម បានប្រាក់តែជាង៤ពាន់ដុល្លារ មិនបានគ្រប់គ្រាន់ក្នុងការស្ថាបនាផ្លូវនេះឡើយ ។លោកសេង រតនៈ អភិបាលខណ្ឌទួលគោក បានឱ្យដឹងតាមទូរស័ព្ទថា តាមគំរោងស្ថានាផ្លូវលេខ១៥៦ មុនដំបូងស្ថាបនាតាមគោលការណ៍សាលារាជធានីភ្នំពេញ ៥០%បូក៥០% ហើយសាលាខណ្ឌក៏បានណែនាំសង្កាត់ចុះចលនាប្រជាពលរដ្ឋ ដើម្បីចូលរួមស្ថាបនាដែរ ប៉ុន្តែក្រោយមកសាលារាជធានីភ្នំពេញ ក៏បានជួយស្ថាបនាផ្លូវលេខ១៥៦ ដោយប្រើប្រាស់ថវិកាសាលារាជធានីភ្នំពេញទាំងស្រុងវិញ ។ លោកនិយាយថា ព្រោះថវិកាដែលបានមកពីប្រជាពលរដ្ឋតិចតួចមិនគ្រប់គ្រាន់ក្នុងការស្ថាបនា ។លោកសេង រតនៈ បានបន្តទៀតថា ថវិកាមួយចំនួនដែលប្រមូលបានមកពីប្រជាពលរដ្ឋរួចហើយនោះ សាលាខណ្ឌទួលគោក មានបំណងចង់បង្វែទៅស្ថាបនាដាក់បង្គោលភ្លើងបំភ្លឺផ្លូវវិញ ។ បើសិនប្រជាពលរដ្ឋមិនឯកភាព សាលាខណ្ឌទួលគោក និងប្រគល់ជូនប្រជាពលរដ្ឋវិញ ។ តាមកោះសន្តិភាពដឹង គឺប្រជាពលរដ្ឋច្រើនណាស់ខឹងសម្បារដោយចោទថា រដ្ឋអំណាចមូលដ្ឋានកុហកពួកគេ ។ បើដឹងថា សាលារាជធានីភ្នំពេញ ចេញការចំណាយទាំងស្រុង ហេតុម៉េចនៅតែដើរប្រមូលប្រាក់ទៀត? ពេលវេលានេះហើយ គួរលោកអភិបាលរាជធានីភ្នំពេញ ជួយដោះស្រាយបញ្ហា ដែលអ្វីប៉ះពាល់ជាមួយប្រជាពលរដ្ឋ គួរតែកុំ!!
