អ្នកគាំទ្រលោកម៉ម សូណង់ដូ មួយក្រុមធំ បាននាំគ្នាបុកទម្លុះរនាំងរបស់ប៉ូលីស ដើម្បីចូលទៅខាងមុខសាលាដំបូងរាជធានីភ្នំពេញ ដើម្បីស្តាប់លទ្ធផលកាត់ក្តី លោក ម៉ម សូណង់ដូ។
កាលពីវេលាម៉ោងជាង៩ព្រឹក ថ្ងៃអង្គារនេះ អ្នកគាំទ្រលោកម៉ម សូណង់ដូ បាននាំគ្នាបុកទម្លុះរនាំងរបស់ប៉ូលីស ដើម្បីចូលទៅខាងមុខសាលាដំបូងរាជធានីភ្នំពេញ ក្នុងបំណងរង់ចាំស្តាប់លទ្ធផលកាត់ក្តី លោក ម៉ម សូណង់ដូ ដែលកំពុងត្រូវបានកាត់ទោសពីបទ ទាក់ទឹននឹងរឿងបង្កើតតំបន់អបគមន៍នៅក្រចេះ។
ប្រភពព័ត៌មានពី VOD បានរាយការណ៍មកថា នៅពេលនេះ អ្នកគាំទ្រលោក ម៉ម សូណង់ដូ បានបុកទម្លុះផុតរនាំងទី១ហើយ នៅផ្លូវខាងរង្វង់មូលនាងគង្ហីង ដោយមានការប្រត្រាយប្រតប់រវាងអ្នកគាំទ្រលោកម៉ម សូណង់ដូ និងនគរបាល ប៉ុន្តែមិនទាន់មានសេចក្តីរាយការណ៍ថា មានអ្នករងរបួសនៅក្នុងការប្រត្រាយប្រតប់គ្នានោះទេ៕
ដោយ ៖ ពិសិទ្ធប្រភព ៖ VOD