ក្រុងប៉ោយប៉ែត ៖ រទេះដឹកទំនិញគ្រប់សារពើចូលមកពីប្រទេសសៀមតាមច្រកទ្វារអន្តរជាតិប៉ោយប៉ែតពេលដែលចូលមកដល់ទ ឹកដីកម្ពុជាត្រង់ចំណុចក្រោមខ្លោងទ្វារប្រាសាទកំពូល៣ ត្រូវបានមន្ត្រីជំនាញគយ និងរដ្ឋា#ករផ្នែកប្រមូលពន្ធដែលឈរជើងនៅទីនោះប្រមាណ៥ទៅ៦នាក់ កាក់ឃាត់ឆែកឆេររកមើលទំនិញដែលនាំចូលមិនបានបង់ពន្ធជូនរដ្ឋ ។ ជាក់ស្តែងកាលពីវេលាម៉ោង៤រសៀលថ្ងៃទី៨ មករា មានរទេះមួយផ្ទុកកំណាត់ចំរុះពណ៌ប្រមាណជាង៣០ដុំបានព្យាយាមអូសហួសបារ៉ាស់របស់មន្ត្រីគយនៅចំណុ ចនោះបំណងគេចវេះមិនចូលបង់ពន្ធ ។ ទោះបីជាបែបណា មន្ត្រីគយ២នាក់បានចាប់រទេះនោះអូសមកក្រោយវិញហើយបានរើយកកំណាត់នៅក្នុងរទេះនោះមកទុក ក្នុងស្នាក់ការ ដើម្បីឱ្យម្ចាស់ចូលខ្លួនមកបង់ពន្ធជូនរដ្ឋ ។មន្ត្រីគយមួយរូបឈ្មោះខណ្ឌ រ័ត្នអេលីតដែលឈរជើងនៅចំណុចនោះបានឱ្យដឹងថា ចំពោះទំនិញផ្សេងៗទាំងនាំចេញ និងនាំចូលពេលឆ្លងកាត់ចំណុចនេះម្ចាស់តែងចូលខ្លួនមកបង់ពន្ធ ឬក៏ភ្ជាប់លិខិតស្នាមយកមកប្រាប់ជា#មុន ពេលតែមន្ត្រីត្រួតពិនិត្យរួចហើយ ទើបឱ្យពួកគេដឹកទៅបាន។ ប៉ុន្តែចំពោះរទេះរបស់កម្មករដឹកកំណាត់មួយនេះគឺមិនមានម្ចាស់មកប្រាប់ ឬក៏ចូលមកបង់ពន្ធឱ្យបានត្រឹមត្រូវនោះទេ ដូច្នេះហើយមន្ត្រីជំនាញរបស់លោកក៏បានចាប់ ដើម្បីឱ្យម្ចាស់ចូលខ្លួនមកបង់ពន្ធ ។គួរកត់សំគាល់ផងដែរថា ចំពោះមន្ត្រីជំនាញដែលឈរជើងនៅមាត់ច្រកប៉ោយប៉ែតនេះ ជារឿយៗតែងតែកើតជំលោះជាមួយកម្មករ និងម្ចាស់ទំនិញ ដោយពួកគេបានស្រែកជេរប្រមាថដល់មន្ត្រីទាំងអស់នោះថា ដាក់គំនាបយកលុយពីពួកគាត់ច្រើនពេកដោយពុំមានការអាណិតអាសូរដល់ពួកគាត់ជាជនក្រីក្ររកមួយ ថ្ងៃសំរាប់ហូបមួយថ្ងៃនោះឡើយ ។ ក្រុមកម្មករទាំងអស់តែងតែទទូចសុំឱ្យថ្នាក់ដឹកនាំមានវិធានការឱ្យបានច្បាស់លាស់ក្នុងការ ប្រមូលពន្ធនេះផង កុំឱ្យចេះតែថា ហើយយកលុយពីពួកគាត់ស្រេចតែចិត្ត ៕
