រាជធានីភ្នំពេញ ៖ ជនជាបងប្អូនបង្កើត២នាក់ ក្នុងចំណោមជនជាប់ចោទ៤នាក់បានត្រូវប៉ូលិសនាំខ្លួនទៅកាន់អធិការដ្ឋានខណ្ឌសែនសុ ខ កាលពីវេលាម៉ោង១១និង២០នាទីព្រឹក ថ្ងៃទី៩ មករា ក្រោយពីទទួលពាក្យបណ្តឹងថា បានចាប់រំលោភក្មេងស្រីអាយុ៥ឆ្នាំម្នាក់នៅក្នុងបន្ទប់ផ្ទះជួលមួយកន្លែងស្ថិតក្នុងសង្ កាត់ទឹកថ្លា ខណ្ឌសែនសុខ។ លោកជាវ វិបុល អធិការរងប៉ូលិសខណ្ឌសែនសុខទទួលបន្ទុកផ្នែកព្រហ្មទណ្ឌបានឱ្យដឹងថា ដោយទទួលបទបញ្ជាពីលោកម៉ក់ ហុង អធិការខណ្ឌ លោកក៏បានដឹកនាំកម្លាំងចុះឃាត់ខ្លួនជនសង្ស័យទាំង២នាក់ជាបងប្អូនបង្កើតនៅចំណុចផ្ទះ ជួលមួយកន្លែងក្នុងសង្កាត់ទឹកថ្លា ពីបទចាប់រំលោភក្មេងស្រីគួរឱ្យស្អប់ខ្ពើម។ ជនទាំង២នាក់នេះ ម្នាក់ឈ្មោះឈាង ស្នា អាយុ១៩ឆ្នាំ ជាប្អូន និងម្នាក់ទៀតឈ្មោះឈាង ម៉ង់ អាយុ២៣ឆ្នាំ ជាបង មានស្រុកកំណើតនៅភូមិស្ពឺលិច ឃុំស្ពឺលិច ក្រុងកំពង់ចាម ខេត្តកំពង់ចាម ជាកម្មកររោងចក្រ និងស្នាក់នៅផ្ទះជួលក្នុងសង្កាត់ខាងលើ។នៅចំពោះមុខសមត្ថកិច្ច ជនទាំង២នាក់បងប្អូនបង្កើតបានប្រកែកថា ពួកខ្លួនមិនបានចាប់ក្មេងស្រីរំលោភទេ ដោយគ្រាន់តែចាប់អោប និងផ្តួលក្មេងស្រីនេះលេងប៉ុណ្ណោះ។ ប៉ុន្តែបើតាមស្ត្រីជាជីដូន និងក្មេងស្រីរងគ្រោះបានចោទថា ឈ្មោះឈាង ម៉ង់ ជាអ្នកចាប់ក្មេងស្រីរំលោភរហូតបានសំរេចមុនក្នុងចំណោមមនុស្ស៣នាក់ផ្សេងទៀតនៅពេលចាប់ន ាងរំលោភ។ ស្ត្រីជាជីដូនបានអះអាងថា នៅវេលាម៉ោង៨យប់ ថ្ងៃទី៨ មករា គាត់បានឮសំលេងចៅស្រីស្រែកនៅក្បែរបន្ទប់របស់គាត់។ ពេលនោះគាត់ស្ទុះទៅក៏ឃើញចៅស្រីដើរទៅបន្ទប់គាត់ ប៉ុន្តែគាត់មិនចាប់អារម្មណ៍ទេ ក៏នាំទៅចូលដេក។ លុះព្រលឹមឡើងថ្ងៃទី៩ មករា គាត់សង្ស័យឃើញចៅស្រីចេះតែយំក៏សួរទើបបែករឿងត្រូវគេចាប់រំលោភ។ នៅចំពោះមុខសមត្ថកិច្ច ក្មេងស្រីរងគ្រោះរៀបរាប់ថា ឈ្មោះឈាង ម៉ង់ បានហៅនាងឱ្យលុយ៣.០០០រៀល ទិញប្រហិតហូប នៅពេលឈ្មោះនេះកំពុងផឹកស៊ីជាមួយមិត្តភក្តិ៣នាក់ទៀត។ ពេលនាងចូលទៅក្នុងបន្ទប់ក៏ស្រាប់តែឈ្មោះឈាង ម៉ង់ បានចាប់នាងអោប រួចផ្តួល ចាប់រំលោភតែម្តង។ ប៉ុន្តែពេលឈាង ម៉ង់ កំពុងចាប់រំលោភនាងឈឺពេកក៏ស្រែក ហើយរត់ទៅផ្ទះចូលបន្ទប់យាយ ហើយក៏មិនហ៊ាននិយាយប្រាប់យាយដែរ។ស្ត្រីជាជីដូនបានបញ្ជាក់ថា ចៅស្រីគាត់នេះកំសត់ណាស់ត្រូវម្តាយបង្កើតបោះបង់ចោលរួចទៅមានប្តីមួយទៀត ខណៈទើបលែងប្តីមិនបានប៉ុន្មានខែផង។ ក្មេងស្រីរងគ្រោះរស់នៅជាមួយគាត់តាំងពីអាយុ១ឆ្នាំមកម៉្លេះ។ ទោះបីជាបែបណា មន្ត្រីប៉ូលិសមិនទាន់សន្និដ្ឋានបែបណានៅឡើយទេ និងបានប្រាប់ថា ការចោទប្រកាន់នេះត្រូវស៊ើបអង្កេតបន្តសិន។ សមត្ថកិច្ចខណ្ឌសែនសុខឱ្យដឹងថា ២នាក់បងប្អូនជាប់ចោទខាងលើកំពុងធ្វើការសាកសួរ និងបញ្ជូនទៅសាលាដំបូងរាជធានីភ្នំពេញ ឯចំពោះជនពាក់ព័ន្ធផ្សេងទៀតសមត្ថកិច្ចកំពុងស្រាវជ្រាវបន្តដើម្បីចាត់ការតាមច្បាប់ ។ ចំពោះក្មេងស្រីរងគ្រោះក្រោយពីក្រុមគ្រួសារយកទៅពិនិត្យនោះឃើញថា នាងបានរងរបួសធ្ងន់ធ្ងរលើប្រដាប់ភេទ៕
