មិនមែនមានតែ MotoGP ល្បឿនលឿន ឬ chopper របស់ Harley Davidson នោះទេ ដែលជួយអោយអ្នកបើកបរមានភាពលេចធ្លោ ប៉ុន្ដែនៅមានម៉ូតូឯកជាច្រើនទៀតដែលអ្នកអាចនឹងមិនទាន់បានឃើញ។
ម៉ូតូកង់មួយ ប្រើប្រាស់ថាមពលអគ្គិសនី Ryno នេះ អាចធ្វើដំណើរបាន ៣២,២គម និងមានល្បឿនជាអតិបរមា ៣២,២គម/ម៉ោង។ Ryno មានតម្លៃ ៤.៥០០ដុល្លារ នឹងមានវត្តមាននៅលើទីផ្សារនៅដើមឆ្នាំ ២០១៣។
ត្រូវបានផលិតនៅកាណាដា ម៉ូតូកង់ ៣ របស់ក្រុមហ៊ុន Bombardier ប្រើប្រាស់ម៉ាស៊ីន Rotax V-Twin 998cc រួមជាមួយបច្ចេកវិទ្យាទំនើបៗ។ តម្លៃរបស់ម៉ូតូ Can-Am Spyder RSS នៅបរទេស គឺចាប់ពី ១៦.៥០០ដុល្លារ។
មើលទៅហាក់ដូចជា ផ្នែកមួយរបស់ម៉ូតូប្រភេទធំ ប៉ុន្ដែ Uno ស្នាដៃរបស់បុរសជនជាតិ កាណាដា នេះគឺជាម៉ូតូកង់មួយ និងប្រើប្រាស់ថាមពលអគ្គិសនី។
Peraves Monotracer មានតែកងពីរ ប៉ុន្ដែវាក៏មានកាប៊ីនសម្រាប់មនុស្សពីរនាក់។ ម៉ូតូនេះ មានល្បឿនជាអតិបរមា ៨៨,៥គម/ម៉ោង និងស៊ីប្រេងសាំង ៣,៦លីត្រ/១០០គម ដោយសារតែម៉ាស៊ីនស៊ីឡាំង ៤ របស់ BMW។
scooter Boxx គឺជាផលិតផលពិសេសបំផុតមួយក្នុងចំណោមម៉ូតូដែលមានរចនាបថចម្លែកៗ។តម្លៃរបស់វាប្រមាណជា ៤.០០០ដុល្លារ។
Campagna T-Rex 14RR ប្រើប្រាស់ម៉ាស៊ីន Kawasaki ៤ ស៊ីឡាំង មានកម្លាំង ១៩៧សេះ។អ្នកបើកបរ និងភ្ញៀវអង្គុយក្នុងកាប៊ីនតែមួយ។
Sbarro Pendolauto គឺជាម៉ូតូកង់ ៤ ដ៏ស្រស់ស្អាត និងមានសុវត្ថិភាព។
Boss Hoss Gangsta មានកង់ ៣ ប្រើម៉ាស៊ីន V8 4.8 ឬ 6.2 ដោយមានកម្លាំង ៤៤៥សេះ៕
ដោយ ៖ សូរីយ៉ាប្រភព ៖ VE