ក្លាយជា​អ្នកល្បីឈ្មោះ ដោយសារ​ចេះ​លេង​ស្ទីល ពុកមាត់

បុរសម្នាក់នៅអាមេរិក បានធ្វើឱ្យមានការភ្ញាក់នៅលើប្រព័ន្ធអ៊ីនធើរណិត បន្ទាប់ពីបានបង្ហោះរូបភាពមួយចំនួនរបស់ខ្លួន បង្ហាញអំពីម៉ូដពុកចង្កាប្លែកៗ គួរឱ្យចាប់អារម្មណ៍។

ពុកចង្ការបស់ Isaiah Webb ត្រូវបានធ្វើជាចានមី

Isaiah Webb អាយុ ២៩ឆ្នាំ ត្រូវបានគេស្គាល់ច្រើន និងមានរហ័សនាមថា Incredibeard (ពុកមាត់ចម្លែក) បានព្យាយាមទុកពុកមាត់ និងពុកចង្កាវែង ដើម្បីអាចបង្កើតជាម៉ូដែលពិសេស។ អ្នកលេងពុកមាត់ ដែលមានទីលំនៅ នៅក្រុង San Francisco រូបនេះ មានបំណងប្រែក្លាយពុកមាត់របស់ខ្លួន ឱ្យទៅជារូបរាងដ៏ចម្លែកៗដែលមនុស្សទូទៅនឹកស្មានមិនដល់ ដូច្នេះ គាត់តែងធ្វើម៉ូដពុកមាត់ និងពុកចង្កា ហើយ ហើយថតបង្ហោះនៅលើគេហទំព័រសង្គម Tumblr និង Instagram រៀងរាល់ថ្ងៃច័ន្ទ ក្រោមប្រធានបទ Monbeardday ។ រៀងរាល់សប្ដាហ៍ អ្នកអានដែលជាអ្នកគាំទ្ររបស់ Isaiah Webb តែងសរសេរឡើងនូវគំនិតច្នៃប្រឌិត ដើម្បីបង្កើតជាម៉ូដពុកមាត់របស់គាត់។ ជាលទ្ធផល Isaiah Webb ក៏បានរចនាម៉ូដពុកមាត់របស់ខ្លួន បានជាច្រើនស្ទីល តាំងពី រាង ចានមី ពីងពាង រាងមូលទាំង ៥ រហូតដល់រាងរន្ទះបាញ់។ល។នៅក្នុងកិច្ចសម្ភាសមួយ ជាមួយគេហទំព័រសារព័ត៌មាន Mashable លោក Isaiah Webb បានឱ្យដឹងថា គាត់បានទុកពុកមាត់ខ្លះៗ តាំងពីប្រហែល ១៥ឆ្នាំមុន ប៉ុន្ដែគាត់ទើបបានថែទាំវាជាពិសេស ក្នុងរយៈពេល១៨ខែចុងក្រោយនេះតែប៉ុណ្ណោះ។

ម៉ូដែលពុកមាត់ និងពុកចង្កាទាំងនេះ គឺជាស្នាដៃរបស់គាត់ និងភរិយា។ ភរិយារបស់គាត់ គឺជាអ្នកណែនាំឱ្យគាត់បញ្ចេញគំនិតដ៏មិនគួរឱ្យជឿនេះ។សូមទស្សនាស្ទីលពុកមាត់របស់ Isaiah Webb ៖