ម៉ិចស៊ិកូ៖ តាមការអោយដឹងពីវិទ្យាស្ថានស្រាវជ្រាវផ្នែកនរវិទ្យា និងប្រវត្ដិសាស្រ្ដ នៃប្រទេសម៉ិចស៊ិកូ កាលពីពេលថ្មីៗថា ក្រុមបុរាណវិទូ បានរកឃើញតំបន់មួយកន្លែង ដែលមានផ្ទុកទៅដោយសារធាតុមាស និងត្បូង ដែលគេអាចយកទៅកែច្នែ និងលក់បានតម្លែខ្ពស់បំផុត ក្នុងទីផ្សារ។
លោក Gomez ដែលជាអ្នកស្រាវជ្រាវផ្នែកបុរាណវិទ្យា បានអោយដឹងថា រណ្ដៅដែលមានសារធាតុរ៉ែមាសនេះ ត្រូវបានគេរកឃើញនៅជិតពីរ៉ាមីត Feathere Serpent ដែលមានចម្ងាយ៣០ម៉ាយ បែកខាងជើងទីក្រុងម៉ិចស៊ិកូ។
លោក Gomez បានបន្ដថា ពេលនេះផងដែរ គេបាននឹងកំពុង ប្រើម៉ាស៊ីន Robot Tlaloc II TCដើម្បីស្វែងរក និងប្រមូលនូវដំសារធាតុមាសទាំងនេះ។ ទោះបីជាយ៉ាងណាក៏ដោយ គេបានជឿយ៉ាងមុតមាំដែរថា ការទាញបាននូវសារធាតុរ៉ែមាសទាំងនេះ នឹងអាចជួយកសាងខឿនសេដ្ឋកិច្ចប្រទេសមួយនេះ បានមួយកម្រិតធំផងដែរ៕
ដោយ៖ នារីប្រភព៖ newsday