ភ្នំពេញ ៖ នៅម៉ោង១១ថ្ងៃត្រង់ ថ្ងៃទី២២ ខែមករានេះ នៅផ្ទះលេខ១២ E2 ក្រោយសណ្ឋាគារតាយម៉េង ក្នុងសង្កាត់ទន្លេបាសាក់ ខណ្ឌចំការមន។ ជនរងគ្រោះដែលស្លាប់ត្រូវបានគេស្គាល់ឈ្មោះ Jessica Claire អាយុ៣២ឆ្នាំ ភេទ ស្រី ជាជនជាតិអាមេរិកាំង ជាអ្នករចនាប្លង់កាសែត និងម្នាក់ទៀតរងរបួសធ្ងន់មានឈ្មោះ Drewc foster អាយុ៣២ឆ្នាំ ត្រូវបានគេបញ្ជូនទៅកាន់មន្ទីរពេទ្យកាល់ម៉ែត្រ។ រហូតមកដល់វេលាម៉ោង៤ល្ងាចថ្ងៃទី២២ ខែមករានេះមិនទាន់ដឹងពីមូលហេតុនៃការស្លាប់ នោះនៅឡើយទេ។ បុគ្គលិកកាសែតខេមបូឌា ដេលី ដែលស្នាក់នៅផ្ទះនោះមានចំនួន១២នាក់ ហើយការ ស្លាប់ និងរងរបួសនោះ សមត្ថកិច្ចមិនទាន់ដឹងថាអាការៈពុលអ្វីម្យ៉ាងនៅឡើយទេ?
លោកឧត្ដមសេនីយ៍ត្រី ទូច ណារ៉ុថ ស្នងការនគរបាលរាជធានីភ្នំពេញ បានប្រាប់ កម្ពុជាថ្មីថា ការស្លាប់ជនបរទេសនោះ លោកមិនទាន់ដឹងមូលហេតុពិតប្រាកដនៃការស្លាប់និងសន្លប់ នេះនៅឡើយទេ ដោយសមត្ថកិច្ចកំពុងរង់ចាំសាកសួរពីជនរងគ្រោះដែលសន្លប់ទើបដឹង មូលហេតុ ពិត។ លោកបញ្ជាក់ថា ការសន្និដ្ឋានជាជំហានដំបូងគឺសង្ស័យជនរងគ្រោះអាចនឹងពុលអ្វី ម្យ៉ាង ប៉ុន្តែ ទោះជាយ៉ាងនេះក្ដី សមត្ថកិច្ចមិនទាន់ដឹងច្បាស់ និងកំពុងធ្វើកោសល្យវិច័យពីក្រុមគ្រូពេទ្យ៕
http://www.kampucheathmey.com/local-...-09-24-47.html