ខេត្តបាត់ដំបង ៖ គួរកត់សំគាល់ថា ក្នុងរយៈពេលប៉ុន្មានខែកន្លងមកនេះ គេឃើញកំលាំងនគរបាលព្រហ្មទណ្ឌនៃស្នងការដ្ឋានខេត្ត បាត់ដំបង បានប្រឹងប្រែងយ៉ាងខ្លាំងក្នុងការបង្ក្រាបបនល្បែងស៊ីសងខុសច្បាប់គ្រប់ប្រភេទដោយយោងតាមបទបញ្ជ ារបស់រាជរដ្ឋាភិបាលនាពេលកន្លងមក ។ ប៉ុន្តែផ្ទុយទៅវិញ បែរជាមន្ត្រីប៉េអឹមខេត្តម្នាក់ប្រឹងប្រែងរកកន្លែងដើម្បីរៀបចំឱ្យពួកអ្នកញៀនល្បែងប្រមូលផ ្តុំគ្នាលេងយ៉ាងសុខសាន្តទៅវិញ ។ ទង្វើបែបនេះគេមិនដឹងថា ជាការធ្វើផ្គើននឹងបទបញ្ជារបស់រាជរដ្ឋាភិបាល ឬយ៉ាងណានោះទេ ហើយក៏អាចថា ជាការយកជើងរាទឹក នៅពេលដែលខ្លួនមិនបានជួយចូកជួយចែវគេនោះ ឬយ៉ាងណាដែរទេ ។ ជាក់ស្តែងក្នុងរយៈពេលប៉ុន្មានថ្ងៃនេះគេឃើញក្រុមអ្នកញៀននឹងល្បែងស៊ីសងយ៉ាងងុបងល់បាន ទៅប្រមូលផ្តុំគ្នានៅក្នុងផ្ទះថ្មមួយក្នុងដីឡូត៍តាមផ្លូវក្រវាត់ក្រុងខាងជើងផ្សារទំនើបស្ ថិតក្នុងភូមិអញ្ចាញ សង្កាត់អូរចារ ក្រុងបាត់ដំបង ។តាមការអះអាងកាលពីព្រឹកថ្ងៃទី៩ មករា ពីក្រុមអ្នកលេងល្បែងនោះថា វង់ល្បែងថ្មីនេះ ស្ថិតក្រោមការគ្រប់គ្រងរបស់ដង្ខៅល្បែងដ៏ធំម្នាក់ទៀតឈ្មោះធឿន និងក្រោមកិច្ចការពារសន្តិសុខ និងចំណាយប្រាក់សូកប៉ាន់ដោយមន្ត្រីប៉េអឹម ខេត្តម្នាក់ ដែលធ្លាប់ត្រូវបានមេល្បែងម្នាក់គប់រថយន្តដោយកំប៉ុងទឹកក្រូចកាលពីខែមុន ។ ក្រុមអ្នកលេងល្បែងបាននិយាយនៅខាងមុខផ្ទះបើកល្បែងនេះថា មន្រ្តីប៉េអឹមខេត្តម្នាក់នោះបានចាត់ចែងរួចរាល់ហើយក្នុងទំនាក់ទំនងទៅស្ថាប័នផ្សេងៗគ្នាដើម ្បីបើកបនល្បែងថ្មីនេះ ហើយបនល្បែងនេះមានល្បែង«ធួរ អាប៉ោង និងបៀ» ។ ពួកគេប្រាប់ថា មន្ត្រីប៉េអឹមម្នាក់នោះបានមករៀបចំបណ្តាញអគ្គិសនីចូលទៅក្នុងផ្ទះថ្ម ដែលមានរបងបិទជិតនោះរយៈពេល២-៣ថ្ងៃហើយដើម្បីត្រៀមបើកលេងល្បែងខាងលើនេះ ទាំងយប់ទាំងថ្ងៃតែម្តង ។មិនអាចទំនាក់ទំនងមន្ត្រីប៉េអឹមរូបនោះ និងបុរសឈ្មោះធឿន ដែលគេអះអាងថា ជាអ្នករៀបចំបើកល្បែងនេះបានទេ កាលពីព្រឹកថ្ងៃទី៩ មករា ក្នុងគ្រាដែលប៉េអឹមរូបនេះនិងដង្ខៅល្បែងឈ្មោះធឿន នេះ កំពុងមមាញឹកយ៉ាងខ្លាំងក្នុងដំណើរការបើកល្បែងស៊ីសងរបស់ពួកគេ ។ ទោះជាបែបណា បើតាមការអះអាងពីក្រុមអ្នកលេងល្បែងនោះថា បនល្បែងនេះទើបចាប់ផ្តើមដំណើរការជាផ្លូវការកាលពីថ្ងៃទី៧ មករា ក្នុងគ្រាដែលមនុស្សទូទាំងប្រទេសឈប់សំរាកពីការងារដើម្បីចូលរួមអបអរសាទរខួបអនុស្សារីយ៍លើក ទី៣២ថ្ងៃជ័យជំនះ៧មករា ។គេមិនទាន់ដឹងថា តើផែនការរបស់មេល្បែងទាំង២នាក់ខាងលើនេះ អាចធ្វើដំណើរទៅមុខរួច ឬយ៉ាងណានោះទេ ខណៈដែលកំលាំងនគរបាលព្រហ្មទណ្ឌត្រៀមចាំតែក្របួចនោះ ។ លោកជេត វណ្ណនី ស្នងការរងខេត្តដែលកន្លងមកលោកតែងទទួលបទបញ្ជាពីស្នងការខេត្តឱ្យចាត់វិធានការក្តៅលើការបង្ ក្រាបបនល្បែងស៊ីសងមិនឈប់ឈរនោះបានថ្លែងថា ស្នងការដ្ឋានខេត្តមិនពាក់ព័ន្ធនឹងបនល្បែងស៊ីសងដែលទើបបើកថ្មីខាងលើនេះទេ ។ លោកស្នងការរងរូបនេះបានបញ្ជាក់ថា លោកនឹងធ្វើការបង្ក្រាបភ្លាមបើសិនជាមានបទបញ្ជាពីលោកស្នងការខេត្ត ចំពោះបនល្បែងខាងលើនេះ ។សូមបញ្ជាក់ថា បើតាមសេចក្តីរាយការណ៍ពីក្រុមអ្នកលេងល្បែងដែលកំលាំងស្នងការដ្ឋានខេត្តចាប់កាលពីខែមុននៅឯ ឃុំភ្នំសំពៅ ស្រុកបាណន់ បានឱ្យដឹងថា ក្រោយពីសមត្ថកិច្ចបំបែកសំបុកល្បែងធំៗរបស់ដង្ខៅ«៩៣» និងដង្ខៅ«ម៉េង» ក្នុងក្រុងបាត់ដំបង ពួកអ្នកលេងបានប្រមូលគ្នាទៅលេងនៅស្រុកមោងប្ញស្សី (ម្តុំផ្សារ) នៅឃុំតាប៉ុន ស្រុកសង្កែ និងស្រុកគាស់ក្រឡ ប៉ុន្តែពេលនេះក្រុមអ្នកលេងល្បែងទាំងនេះបានមកប្រមូលផ្តុំគ្នានៅភូមិអញ្ចាញ សង្កាត់អូរចារ ក្រុងបាត់ដំបង ជាថ្មីឡើងវិញ ព្រោះមានមន្ត្រីប៉េអឹមខេត្តម្នាក់ជាអ្នកការពារធានាសន្តិសុខ ។ គេនៅរង់ចាំមើលថា តើអាជ្ញាធរខេត្តអាចលុបបំបាត់បនល្បែងស៊ីសងខុសច្បាប់នេះបានដែរឬយ៉ាងណា ព្រោះនេះជាបទបញ្ជារបស់ប្រមុខរាជរដ្ឋាភិបាល ៕
