ខេត្តកំពត ៖ ជនសេពគ្រឿងញៀនចំនួន ៥នាក់ បានត្រូវបាននគរក្រុងកំពតបង្ក្រាបនៅក្នុងផ្ទះសំណាក់យីហោពិភពថ្មី ស្ថិតក្នុងភូមិទ្វីខាងត្បូង សង្កាត់អណ្តូងខ្មែរ ក្រុងកំពត កាលពីវេលាម៉ោង១២និង៣០នាទីថ្ងៃត្រង់ថ្ងៃទី៨ មករា រួចបញ្ជូនមកកាន់អធិការដ្ឋានក្រុង ។ ប្រភពព័ត៌មានច្បាស់ការណ៍បានឱ្យដឹងថា លុះពេលបញ្ជូនមកដល់អធិការដ្ឋានភ្លាមក៏មានក្រុមគ្រួសារជនទាំង៥នាក់មកអន្តរាគមន៍សុំដោះលែ ង ក្នុងនោះក៏ឃើញមានប្រធានការិយាល័យព្រហ្មទណ្ឌកំរិតស្រាលផងដែរ ។ ទោះជាយ៉ាងណា ជុំវិញករណីបង្ក្រាបគ្រឿងញៀននេះ សមត្ថកិច្ចពុំបានផ្តល់ព័ត៌មានជាក់លាក់ណាមួយដល់អ្នកកាសែតឡើយ សូម្បីតែឈ្មោះមុខសញ្ញានិងវត្ថុតាង ក៏សមត្ថកិច្ចមិនផ្តល់ព័ត៌មានដែរ ។ ដោយសារព័ត៌មានបែកធ្លាយពីករណីឃាត់ខ្លួនជនសេពគ្រឿងញៀនទាំង៥នាក់ហើយមានការធ្វើអន្តរាគ មន៍សុំដោះលែងពុំបានសំរេចនោះ នៅវេលាម៉ោង៩និង៤០នាទីព្រឹកថ្ងៃទី៩ មករា សមត្ថកិច្ចនគរបាលក្រុងក៏បានបញ្ជូនជនទាំងនោះទៅកាន់ស្នងការដ្ឋាននគរបាលខេត្ត ។គួររំលឹកដែរថា រាល់សកម្មភាពដែលសមត្ថកិច្ចបង្ក្រាបជនសេពគ្រឿងញៀនតែងមិនផ្តល់ព័ត៌មានពីអត្តសញ្ញាណជនល ្មើសព្រមទាំងវត្ថុតាងដែលរឹបអូសទេ ។ ប៉ុន្តែប្រភពព័ត៌មានច្បាស់ ការណ៍មួយបានឱ្យដឹងថា ជនទាំង៥នាក់នេះមាន១-ឈ្មោះវ៉ាន់ ចំរើន ភេទប្រុស អាយុ២៧ឆ្នាំ ស្នាក់នៅសង្កាត់អំពិល ក្រុងកំពត ២-ឈ្មោះ សេង ទិត្យ ភេទប្រុស អាយុ២៤ឆ្នាំ ស្នាក់នៅភូមិក្រាំង សង្កាត់ក្រាំងអំពិល ក្រុងកំពត ៣-ឈ្មោះសុខ ចាន់វិចិត្រ ភេទប្រុស អាយុ១៧ឆ្នាំ ស្នាក់នៅភូមិសាគរ សង្កាត់កំពង់កណ្តាល ក្រុងកំពត ៤-ឈ្មោះនូ សុភាព ហៅញាញ ភេទប្រុស អាយុ២៧ឆ្នាំ ស្នាក់នៅភូមិក្រាំង សង្កាត់ក្រាំងអំពិល ក្រុងកំពត និងម្នាក់ទៀតពុំស្គាល់ឈ្មោះ ។ ចំណែកវត្ថុតាងដែលសមត្ថកិច្ចរឹបអូសមានដែកកេះ ទឹកបរិសុទ្ធ២ដប និងគ្រឿងញៀនប្រភេទទឹកកកមួយដបតូច ព្រមទាំងសំភារ ផ្សេងៗសំរាប់សេពគ្រឿងញៀនដែលគេដាក់ក្នុងថង់ប្លាស្ទិកពណ៌ខ្មៅមួយថង់ ។ សូមបញ្ជាក់ថា ទោះបីជាការបង្ក្រាបគ្រឿងញៀនទទួលបានលទ្ធផលយ៉ាងនេះក្តី ក៏ព័ត៌មាននេះសមត្ថកិច្ចហាក់ដូចជាមានការលាក់លៀមដែរដែលគេពុំដឹងថាតើលាក់លៀមនោះដើម្បីអ ្វីទេ ៕