ពលករខ្មែរ៣នាក់ជាជនរងគ្រោះក្នុងករណីជួញដូរមនុស្សនៅប្រទេសថៃបានលោតចូលក្នុងទន្លេចៅប្រា យ៉ា កាលពីថ្ងៃទី១៨ មករា កន្លងមក ដើម្បីគេចខ្លួនពីទូកេនសាទមួយ ដែលពួកគេអះអាងថា ជាកន្លែងឃុំខ្លួន ដើម្បីនាំពួកគេទៅលក់ឱ្យនាវានេសាទនៅសមុទ្រខុសពីឆន្ទៈរបស់ពួកគេ ។ ក្នុងហេតុការណ៍នោះពលករ២នាក់បានបាត់ខ្លួន ហើយម្នាក់ទៀតបានដាក់ពាក្យប្តឹងប៉ូលិសនាំទៅដល់ការជួយសង្គ្រោះពលករខ្មែរ៦នាក់ផ្សេងទៀ ត ដែលនៅលើទូកនេសាទនោះដែរ ។នាវានេសាទនោះបានចូលចតនៅខាងក្រោយ រោងចក្រកែច្នៃម្ហូបអាហារបង្កកមួយនៅស្រុកមឿង ហើយបំរុងចេញដំណើរទៅកាន់សមុទ្រក្នុងប្រទេសឥណ្ឌូនេស៊ី ។ ក្រោយពីមានការដាក់ពាក្យបណ្តឹងប៉ូលិសបានរកឃើញពលករខ្មែរ៦នាក់ទៀត ដែលតាមការចោទប្រកាន់ត្រូវឃុំខ្លួនដោយថៅកែទូកនេសាទនោះឈ្មោះ Phailin Phromsuwan អាយុ៤៤ឆ្នាំ និងគូកនរបស់ខ្លួន ។ ថៅកែទូកនេសាទនេះ រួមទាំងគូកនរបស់ខ្លួនត្រូវបានចោទប្រកាន់ពីបទឃុំឃាំងមនុស្សដោយខុសច្បាប់ និងពីបទរត់ពន្ធមនុស្សក្នុងប្រទេសថៃ ហើយជួញដូរទៅក្រៅប្រទេស ។ពលករកម្ពុជាដែលដាក់ពាក្យបណ្តឹងទៅប៉ូលិសនេះឈ្មោះសឿ អាយុ២៣ឆ្នាំ និយាយថា ខ្លួន និងពលករខ្មែរ៨នាក់ផ្សេងទៀតបានធ្វើការនៅចំការដាំអំពៅមួយនៅខេត្តស្រះកែវ មុនពេលត្រូវបានបញ្ចុះបញ្ចូលដោយបុរសជនជាតិសៀមម្នាក់ឈ្មោះ Suthin Teeram ឱ្យធ្វើដំណើរតាមរថយន្តភីកខាប់របស់ខ្លួន ដើម្បីស្វែងរកការងារសំណង់ធ្វើ ។ ប៉ុន្តែក្រោយមកទើបពួកគេដឹងថា ពួកគេចាញ់បោកធ្លាក់ខ្លួនជាទាសករ ៕