Apple បង្ហាញណែនាំ iOS 7: មានការផ្លាស់ប្តូរច្រើន បើប្រៀបជាមួយ iOS មុនៗ

មិនខុសអ្វីពីការប៉ាន់ស្មាន របស់បណ្តាអ្នកបច្ចេកវិទ្យា Apple បានបង្ហាញឲ្យយើងឃើញថា ពួកគេបានផ្លាស់ប្តូរស្ទើរតែទាំងស្រុង នូវប្រព័ន្ធប្រតិបត្តិការ Mobile របស់ខ្លួនគឺ iOS 7។

បណ្តា icon និមិត្តសញ្ញាក្រាហ្វិក ពេលធ្វើការសន្ទនាទូរស័ព្ទ ឬផ្ញើសារ ត្រូវបាន Apple រចនាថ្មីទាំងស្រុង។ ជាក់ស្តែង Interface ថ្មីមានលក្ខណៈបែបស្តាយយុវវ័យ ទាន់សម័យ ដោយប្រើប្រាស់ពណ៌ស្រស់ស្អាតប្លែកភ្នែក ស្រាលស្រទន់ជាងបណ្តា Version មុនៗ។ Lock Screen មានការលេចចេញនូវរូបភាពមានចលនា ក្នុងពេលដែល Home Screen អនុញ្ញាតឲ្យអ្នកប្រើប្រាស់រួមផ្សំគ្នារវាងបណ្តា icons ជាមួយ wallpaper ដើម្បីបង្កើតបានជា បែបផែន 3D។

Lock Screen បានបង្ហាញឲ្យឃើញមានព័ត៌មាន ការប្រកាស (Alert) ច្រើនជាងមុន។ ប៉ុន្តែអ្វីដែលផ្លាស់ប្តូរគួរឲ្យកត់សំគាល់ជាងគេនៅ Interface នោះគឺ ការបន្ថែមនូវ Control Center, ដែលអនុញ្ញាតឲ្យអ្នកប្រើប្រាស់ មានការងាយស្រួលក្នុងការបិទបើក Wi-Fi, Bluetooth, បញ្ជាតន្ត្រី, កំរិតពន្លឺអេក្រង់... ដែលមិនខាតបង់ពេលវេលាច្រើនដូចមុន។

ទន្ទឹមនឹងការអាប់ហ្គ្រេតពី Interface, Apple នៅមានបន្ថែមបណ្តា Features ថ្មីៗសំរាប់ iOS 7 នេះផងដែរដូចជា ការដែល Support បន្ថែមនូវ iTunes Radio, Feature ចែករំលែកឯកសារ Air Drop,កែសម្រួលរូបភាពក្នុង Photos, អាប់ឌេត Siri និង Feature ប្រើប្រាស់ ពេលកំពុងប្រើនៅលើរថយន្ត...ក្រៅពីនេះ Apple នៅបាន Support security បានល្អជាងមុន, អាប់ឌេត Feature FaceTime, Browser រូបភាពនៅ Photos។

Tim Cook, CEO របស់ Apple បានចែករំលែកឲ្យដឹងថា បច្ចុប្បន្នមានសរុបដល់ ៦០០លាន ឧបករណ៍ iOS ត្រូវបានប្រើប្រាស់ទូទាំងពិភពលោក។ បណ្តាឧបករណ៍ប្រើ iOS របស់ Apple ក៏ត្រូវបានវាយតំលៃ ក្នុងកំរិតប្រើប្រាស់ដ៏ពេញនិយម និងសប្បាយចិត្ត ខ្ពស់បំផុតពីសំណាក់ អ្នកប្រើប្រាស់។

ប្រព័ន្ធប្រតិបត្តិការ iOS 7 នឹងមានមុខនៅរដូវស្លឹកឈើជ្រុះ ចុងឆ្នាំនេះ ហើយអាចប្រើប្រាស់បានសំរាប់ iPhone 4, 4S, 5, iPod Touch Gen 5, iPad Mini, iPad Retina និង iPad 2។ ជាក់ស្តែង Version សាកល្បង សំរាប់អ្នកអភិវឌ្ឍន៍ ត្រូវបាន Apple ដាក់បង្ហាញនៅថ្ងៃទី ១១ ខែមិថុនា នេះតែម្តង។

ទស្សនារូបភាព ការផ្លាស់ប្តូរថ្មីៗ រួមជាមួយ Interface ពណ៌ស្រស់ស្អាត ប្លែកភ្នែកនៅលើ iOS 7ខាងក្រោមនេះ ទាំងអស់គ្នា ៖