តាមប្រភពព័ត៌មានពីគេហទំព័របច្ចេកវិទ្យា Engadget, LG បានឲ្យដឹងថា បន្ទះ Panel ប្រើក្នុងអេក្រង់ (កោង អាចបត់បាន) របស់ LG បានធ្វើពីជ័រប្លាស្ទិច អាចបត់បែនបាន មានភាពធន់ មាំហើយមានតំលៃថោកជាង បន្ទះ Panel ធ្វើពីកញ្ចក់ដែលប្រើក្នុងបណ្តាអេក្រង់ OLED និង LCDសព្វថ្ងៃនេះ។ ហេតុដូច្នេះហើយ បើសិនជាអ្នកប្រើប្រាស់ ធ្វេសប្រហែសធ្វើឲ្យជ្រុះស្មាតហ្វូន នោះវាខូចខាតតែផ្ទៃកញ្ចក់ការពារខាងក្រៅប៉ុណ្ណោះ រីឯបន្ទះ OLED គឺនឹងនៅល្អធម្មតា ដែលជាហេតុធ្វើឲ្យការចំណាយដល់ការជួសជុលផ្លាស់ប្តូរ នឹងតិចជាងមុន ពោលគឺ គ្រាន់តែប្តូរបន្ទះកញ្ចក់ខាងក្រៅប៉ុណ្ណោះ។
នៅឯកន្លែងតាំងពិព័រណ៌បច្ចេកវិទ្យាអេក្រង់ (SID) របស់ខ្លួន ដែលប្រារព្ធធ្វើនៅ Vanouver ប្រទេសCanada ចាប់ពីថ្ងៃទី ១៩ ដល់ ២៥ ខែឧសភានេះ LG បានទុកញញួរមួយ ដើម្បីឲ្យអតិថិជន ប្រើសាកល្បង ដំទៅលើបន្ទះ OLED ប្លាស្ទិចរបស់ខ្លួន ក៏ដូចជាអនុញ្ញាតឲ្យភ្ញៀវចូលរួម កាន់បត់បែនបន្ទះអេក្រង់នោះ តាមទិសដៅដែលខ្លួនចង់ បានផងដែរ។
សូមទស្សនាវីដេអូខាងក្រោមនេះ ៖
ដោយ៖ សិលាប្រភព៖ VReview