យានអវកាសស្រាវជ្រាវរបស់ទីភ្នាក់ងារអវកាសអាមេរិក (NASA) បានចុះនៅលើភពព្រះអង្គារ និងបានបញ្ជូនរូបថតល្បាស់ស្ដីពីផ្ទៃខាងលើរបស់ភពនេះ មកកាន់ផែនដី។
Robot ស្រាវជា្រវភពព្រះអង្គារ Rover របស់អង្គការ NASA ថតបានរូបភាពច្បាស់បំផុត ដែលមិនធ្លាប់ឃើញពីមុនមក ចំពោះផ្ទៃខាងលើនៃភពក្រហមមួយនេះ។ ម៉ាស៊ីនថតដែលត្រូវបានបំពាក់នៅផ្នែកខាងលើបង្អស់របស់ Rover អនុញ្ញាតអោយវា ថតយករូបភាពបានល្អជាងមុន។
Robot Rover ដំណើរការដោយយោងទៅលើផ្ទាំងស្រូបយកពន្លឺព្រះអាទិត្យ។ ប្រព័ន្ធកង់របស់វា អាចជួយអោយវាបំលាស់ទីនៅលើភពព្រះអង្គារ ដើម្បីអាចថតរូបបានច្រើនកន្លែង ដើម្បីបញ្ជូនទិន្នន័យមកកាន់ផែនដី។ រូបថតផ្ទៃខាងលើរបស់ភពព្រះអង្គារ ដែលត្រូវបាន Rover បញ្ជូនមកកាន់ផែនដី ពិតជាមានភាពស្រស់ស្អាត វាមិនមែនមានតែពណ៌ក្រហមដូចរហ័សនាមរបស់វានោះទេ។
ប្រភពព័ត៌មានបានអោយដឹងថា យានអវកាសជំនាន់បន្ទាប់ដែលមានឈ្មោះថា Curiosity Rover នឹងហោះហើរទៅដល់គន្លងតារាវិថី និងចុះចតនៅលើភពព្រះអង្គារនាចុងឆ្នាំនេះ។ Curiosity Rover ត្រូវបានប្រគល់ភារកិច្ច យកដី និងវត្ថុធាតុនៅលើភពព្រះអង្គារ មកកាន់ផែនដី ដើម្បីអោយក្រុមអ្នកវិទ្យាសាស្ដ្រធ្វើការពិសោធ ស្រាវជ្រាវ។ គោលបំណងនៃបេសកកម្មនេះ គឺដើម្បីធ្វើអោយប្រាកដថាជីវិតអាចមាននៅលើភពមួយនេះ ឬវាមានលក្ខណៈ ដែលអាចអោយមនុស្សរស់នៅដែរ ឬអត់?
សូមទស្សនារូបភាពខាងក្រោម ៖
ដោយ ៖ សូរីយ៉ាប្រភព ៖ zing