ក្រុមប៉ូលីសបានបន្តស៊ើបអង្កេតទៅលើករណីប្រកាន់ពូជសាសន៍នៅក្រុមការប្រកួតទាំងឡាយរបស់អង់គ្លេស។ ជាក់ស្តែង ក្នុងការប្រកួត League Cup រវាងក្រុមបាល់ទាត់ Chelsea និងក្រុម Manchester United កាលពីថ្ងៃពុធនេះ គេបានរកឃើញនូវករណីប្រកាន់ពូជសាសន៍មួយរបស់អ្នកគាំទ្រក្រុមបាល់ទាត់។
រូបភាព៖ អ្នកគាំទ្រម្នាក់សំដែងជាសត្វស្វាចំអកដល់ក្រុមបាល់ទាត់
គេបានផ្តិតនូវរូបភាពអ្នកគាំទ្រក្រុមបាល់ទាត់ម្នាក់ដែលបានសំដែងជាសត្វស្វាចំអកមកលើក្រុមបាល់ទាត់ នៅពេលបញ្ចប់ការប្រកួតរវាងក្រុមបាល់ Chelsea និងManchester United ដែលករណីនេះត្រូវបានចាត់ទុកជាការប្រកាន់ពូជសាសន៍មួយ។
អ្នកនាំពាក្យក្រុម Chelsea ម្នាក់បាននិយាយថា “បើសិនជាយើងអាចរកឃើញនូវភស្តុតាងច្បាស់ថាមានករណីនេះកើតឡើងចំពោះអ្នកគាំទ្រយើង យើងនឹងទទួលរ៉ាប់រងនូវបញ្ហានេះ”៕
ដោយ៖ តុលា
ប្រភព៖ bbc