ខេត្តបាត់ដំបង ៖ ក្មេងទំនើងម្នាក់ដោយសារតែតក់ក្រហល់ប្រញាប់ទៅជួបសង្សារ បានបង្ហាញពីភាពព្រហើនបំផុត ជិះម៉ូតូបំបុកគោលដៅកំលាំងនគរបាលព្រហ្មទណ្ឌដែលកំពុងត្រួតពិនិត្យអាវុធជាតិផ្ទុះលើដងផ្លូវ ចំនួន៣កន្លែង កាលពីវេលាម៉ោង៨យប់ថ្ងៃទី៣១ ធ្នូ ឆ្នាំ២០១០ កន្លងទៅ នៅចំណុចសួនយុវវ័យ ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង ។ ដោយសារការជិះបំបុកនេះបណ្តាលឱ្យកំលាំងកងកុំម៉ង់ដូពិសេសរបស់ស្នងការដ្ឋានខេត្តម្ន ាក់ រងរបួសក្នុងខណៈពេលដេញចាប់ជនទំនើងនេះដែលព្យាយាមជិះម៉ូតូរត់គេចពីការឃាត់ត្រួតពិនិត្ យ ។លោកមៀន ឡាយ ប្រធានការិយាល័យនគរបាលព្រហ្មទណ្ឌកំរិតស្រាល បានថ្លែងថា ជនទំនើងនោះយើងគ្រាន់តែឃាត់ខ្លួនជាបណ្តោះអាសន្ន ដើម្បីធ្វើការសាកសួរពីមូលហេតុជិះម៉ូតូបុកគោលដៅដែលសមត្ថកិច្ចរបស់លោកបញ្ជាឱ្យឈប់ ដើម្បីត្រួតពិនិត្យ ប៉ុន្តែជននេះបែរជាបន្ថែមល្បឿន ដើម្បីព្យាយាមជិះម៉ូតូរត់គេចទៅវិញ ។ ជនពាលនេះឈ្មោះហ៊ូត សុខម៉េង ភេទប្រុស អាយុ២០ឆ្នាំ រស់នៅភូមិបញ្ញា ឃុំកំពង់ព្រះ ស្រុកសង្កែ ជិះម៉ូតូហុងដា ឌ្រីម C125 ស៊េរីឆ្នាំ២០១០ ពណ៌ខ្មៅ ។តាមការពិនិត្យសកម្មភាពជាក់ស្តែងនាយប់នោះ ជនពាលនេះបានជិះម៉ូតូតំរង់ចូលគោលដៅរបស់កំលាំងនគរបាល ដែលដាក់ពង្រាយប្រទាក់ក្រឡាគ្នា៣កន្លែងលើកំណាត់ផ្លូវ ។ ភ្លាមនោះ គោលដៅទី១ បានផ្លុំកញ្ចែបញ្ឈប់ តែជននេះបែរជាបន្ថែមល្បឿនបុកទំលុះគោលដៅទី១ និងគោលដៅទី២ លុះដល់គោលដៅទី៣ ក៏ត្រូវកំលាំងកងកុំម៉ង់ដូពិសេសម្នាក់លោតទៅចាប់ជាប់ បណ្តាលឱ្យក្មេងទំនើងនោះក៏ដួល ហើយមន្ត្រីសមត្ថកិច្ចនោះក៏ដួលអុកគូទ រហូតគ្រេចជើងម្ខាងទៀតផង ។ ក្រោយពេលសមត្ថកិច្ចចាប់ជាប់ ជនទំនើងឈ្មោះហ៊ូត សុខម៉េង បាននិយាយថា ខ្លួនមានអារម្មណ៍ភ័យពេក ពេលត្រូវសមត្ថកិច្ចផ្លុំកញ្ចែបញ្ឈប់ ម្យ៉ាងទៀតដោយសារតែខ្លួនប្រញាប់ទៅជួបសង្សារដែលកំពុងរង់ចាំផង ទើបខ្លួនមិនព្រមឈប់តាមការបញ្ជា ។លោកជេត វណ្ណនី ស្នងការរង ដែលដឹកនាំប្រតិបត្តិការនេះដោយផ្ទាល់បានមានប្រសាសន៍ថា កំលាំងរបស់លោកគ្រាន់តែបញ្ឈប់អ្នកដំណើរ ដើម្បីត្រួតពិនិត្យអាវុធជាតិផ្ទុះ និងសំភារដែលល្មើសច្បាប់ មិនបង្ករំខានដល់អ្នកដំណើរពេលយប់ធ្ងន់ធ្ងរទេ ។ ប៉ុន្តែដោយសារតែក្មេងពាលម្នាក់នេះ មិនព្រមបញ្ឈប់ឱ្យសមត្ថកិច្ចត្រួតពិនិត្យ ហើយព្យាយាមជិះម៉ូតូរត់គេច ទើបសមត្ថកិច្ចរបស់លោកស្ទាក់ចាប់ប៉ផាប់ពភីងបែបនេះ ទោះជាយ៉ាងណា តែយើងគ្រាន់តែអប់រំប៉ុណ្ណោះក្រោយពីធ្វើការសាកសួររួច ៕
